Өдгөө 45 настай жүжигчин Натали Портман саяхан “Elle” сэтгүүлд өгсөн ярилцлагадаа жирэмсэн байх үеийнхээ тухай илэн далангүй ярьсан байна. Тэрбээр “Миний үнэрлэх мэдрэхүй жирэмслэх бүрт маш хүчтэй болдог. Энэ нь гурван удаагийн жирэмслэлт бүрт давтагдсан” гэжээ. Түүний хэлсэээр зарим талаар давуу талтай ч, заримдаа амьдралыг нэлээд төвөгтэй болгодог аж. Учир нь бусдын бараг анзаарахгүй үнэрийг хүртэл маш хүчтэй мэдэрдэг байна.
Жүжигчин мөн хүүхдүүдтэйгээ өнгөрүүлэх цаг хугацаа болон эх хүний амьдрал түүнийг илүү тэвчээртэй, өөрчлөгдөж дасан зохицох чадвартай болгосон, мөн ээж байх нь амьдралынх нь хамгийн чухал, хамгийн үнэ цэнтэй үүрэг хэвээр байгаа бөгөөд хүүхдүүд нь түүнд өдөр бүр шинэ зүйл сургаж байдаг хэмээн онцолжээ.
Натали Портман өмнөх нөхөр, бүжиг дэглээч Бенжамин Мильпьегээс хоёр хүүхэдтэй. Тэдний хүү Алеф 14 настай бол охин Амалия 9 настай юм. Харин одоо тэрбээр гурав дахь хүүхдээ хүлээж буй бөгөөд 2025 оноос хөгжимчин Танги Дестабльтай үерхэж буй юм.
Ташрамд дурдахад, жирэмсний үед үнэрлэх мэдрэхүй огцом нэмэгдэх нь олон эмэгтэйд тохиолддог түгээмэл үзэгдэл бөгөөд энэ нь дааврын өөрчлөлттэй холбоотой гэж эмч нар үздэг байна.
