Монголын Зохиолчдын эвлэлийн болон Г.Сэр-Одын шагналт яруу найрагч Нямжаргалын Минжинсайханы ‘Амьдрал чамдаа’ шүлэг, дууны хос цомог хэвлэлтээс гарчээ. ‘Давхар цагаан шугам’ киноны дуу ‘Амьдрал чамдаа’ дуугаар нэрлэгдсэн уг цомог түүний дууны уран бүтээлийн хоёр дахь цомог бөгөөд шүлэг, дуу хосолсноороо онцлогтой. Цомогт багтсан 24 шүлгийг Монголын шилдэг жүжигчид уншиж амилуулсан бол 13 дууг та бидний хайрлаж хүндэлж явдаг дуучид дуулжээ.
Ангилал: Одод
“Дэлхийн мисс” тэмцээн АНУ-д 12-р сард болно. Нийт 123 орны мисс өрсөлдөх тус тэмцээнд Монголоос эх орноо төлөөлөн oролцох үндэсний ялагчаар А.Бөртэ-Үжин тодорсон. Тэрбээр өнөөдөр /2021.11.19/ АНУ-ын Пуэрто Риког зорьж байна.
Хашаандаа амьд тоглолт хийж буй залуугийн бичлэг цахим орчинд цацагдаж, олон хүнд урам өгсөн. Тэрбээр цар тахалтай энэ үед гэртээ байгаа хүмүүсийн сэтгэл санааг өргөх, бага ч гэсэн урам өгөх үүднээс хашаандаа байрлах чингэлэг дээрээ гарч дуулсан тухайгаа ярьж байв. Авьяаслаг залуу тун удахгүй “Хурд” хамтлагийн гитарчин Д.Отгонбаяртай хамтран “Чи минь байгаа болохоор” дууг дуулахаар болжээ.
Хүүхдийн төлөө фондыг шилэн данстай болгож, олон нийтэд тайлангаа танилцуулахаар болжээ. Энэ асуудлыг зохион байгуулагчдын нэг жүжигчин Г.Ундармаагаас тодруулахад “Хүүхдийн төлөө фонд дансаа шилэн болгож, вэб сайт дээр ил тод байршуулахаар ажиллаж байна. Бидний захиалга өгсөн багийнхан судалгаа хийж байгаа. Удахгүй албан ёсоор тайлангаа танилцуулна” гэв.
Уртын сайхан дуунуудыг уран тансгаар амилуулж, түмэн олны хайр хүндлэлийн эзэд болцгоосон МУСТА Д.Жавхаасайхан, Д.Үүрийнтуяа нар Төрийн дээд одон медиалаар шагнуулжээ. Тодруулбал Д.Жавхаасайхан 02 дугаар сарын 10-нд буюу сар шинийн баярын битүүний урд өдөр “Алтан гадас” одонгоор, Д.Үүрийнтуяа 02 дугаар сарын 22-нд “Хөдөлмөрийн хүндэт медаль”-иар тус тус шагнуулж төрдөө үнсүүлж, түмэн олныхоо хайр хишгийг хүртжээ.
Монголын дуурийн дуучин, Чингис хаан одонт, Монгол Улсын гавьяат жүжигчин Г.Ариунбаатар ОХУ-ын Эх орноо хамгаалагчдын өдөр буюу Цэргийн баяраар тус улсын БХЯ-наас зохион байгуулсан гала концертод оролцлоо.
Сүүлийн 30 орчим жилд хамгийн их хувьчлал, хулгай, дээрэм тонуулд өртсөн салбар бол соёлын салбар. Үлдсэн юм ер нь бараг үгүй болсон байлаа. Байгаа юм гэвэл, хэдэн театр, музейг хэлэх байх. Тэдний эргэн тойрны газрыг бараг бүгдийг авчихсан, зарчихсан байсан. Тиймээс дэд бүтцээ сайжруулах ёстойг ойлгосон. 2021 он бол их соёлын салбарын хувьд бүтээн байгуулалт өрнөсөн жил байх болно. Энэ жил Чингис хаан хаад язгууртны музей, Үндэсний номын сангийн барилга, Соёлын өвийн төв гурав ашиглалтад орно.
2016 онд байгуулагдсан “THE HU” хамтлагийн Youtube channel НЭГ САЯ дагагчтай болжээ. Ингэснээр тэд Монголын уран бүтээлчдээс анх удаа нэг сая дагагчтай сувагтай болж чадлаа.
“Шүүдэр” продакшны хоёр дахь түүхэн сэдэвт кино болох “Хотулун гүнж”-ийн гол дүрд залуу жүжигчин М.Цэрэндолгор тоглож байгаа ажээ. Өрнө дорны түүхэнд мөнхөрсөн бөх гүнж Хотулуны тухай өгүүлэх уран сайхны киноны танилцуулга өнөөдөр (2020.11.2) цацагдаж эхэллээ.
Л.Л.Линховоин нэрэмжит олон улсын дуурийн дуулаачдын уралдаанд дуучин Д.Дагвадорж амжилттай оролцон, “ГРАН ПРИ” шагнал хүртсэн байна. Уралдаан 2020 оны аравдугаар сарын 21-23-ны өдөр болсон юм.