Монголын сэтгүүлзүй болоод соёл урлагийн салбарын түүчээ болсон урлаг соёлын мэдээ, мэдээллийн нэгдсэн www.URLAG.mn сайт, "Монголын сайтын холбоо" ТББ, Монгол поп опера "Увертюра" хамтлаг нарын хамтарсан Таван жилийн ойгоо тэмдэглэлээ.
Таван жилийн ойн хүрээндээ хамтдаа байгаа уншигч, хэрэглэгчиддээ бэлэг болгон Рок поп, Хип хоп, Амьд хөгжмийн одуудын шоу тоглолтоор бэлэг барьлаа. "Урлагийн төлөөх Таван" шоу тоглолт өчигдөр Их Эзэн Чингисийн талбайд 19 цагаас эхэлж 00:00 цагт өндөрлөсөн юм.
Уг тоглолтонд бидний хайрлаж, хүндэлж, бишрэн, шүтдэг олон арван алдартай уран бүтээлчид ойн баярын мэнд хүргэж ая дуугаа өргөж, фэнүүдтэйгээ нэгэн оройг доргио өнгөрүүллээ. Тухайлбал, "Хурд" хамтлаг, "Харанга хамтлаг", "Freezone" хамтлаг, "Ice Top", " Sweetymotion" хамтлаг, "Honymoon", "MIXX", "S4", "Outlaw", "Бид4", "Увертюра" хамтлагууд хүрэлцэн ирж бидний сэтгэл зүрхэнд хоногшсон дуунуудыг хамтдаа дуулж, бүжсэн юм.
Мөн СТА Д.Үүрийнтуяа, СТА дуучин Б.Амархүү, СТА гранд В.Гантулга, СТА дуучин Т.Дэлгэрмөрөн, хөгжмийн зохиолч, СТА Б.Чинбат, дуучин Ану, Реппер GEE, Дуучин Д.Зоригт, А.Хишигдалай, дуучин BX нар хүрэлцэн ирж залуучуудтайгаа бут авсан юм.
Түүнчлэн Таван жилйин ойн шоу тоглолтын хөтлөгчөөр жүжигчин М.Дорждэрэм, жүжигчин Н.Цэнд-Аюуш, “Фантастик” продакшны жүжигчин Ж.Алтаншагай, Урлаг.мн сайтын эрхлэгч Э.Цэнд-Аюуш нар ажиллалаа.
Хамтарсан талархлын баярын өдөрлөг, шоу тоглолтын Ерөнхий зохион байгуулагчаар MGL media Group, "Увертюра" хамтлаг, Монголын сайтын холбоо, дэмжигч байгууллагаар Монголын залуучуудын холбоо, Монголын сэтгүүлчдийн эвлэл, МУЗХ, Art sound production, Miss Mongolia association, Mongolian cycling federation, хамтран зохион байгуулагчаар ССАЖЯ, Нийслэлийн засаг даргын тамгын газар, Сүхбаатар дүүрэг, Төрийн банк, Анир студи, Хамтрагч байгууллагаар Голден жим фитнесс клуб, Андра модель агентлаг, Азийн модель агентлаг, MR Pizza, Portal media studio, Jawa Elegant LLC нартаа баярласан талархсанаа илэрхийлээд ажилд нь амжилтыг хүсэн ерөөе.
Энэ дашрамд дуулгахад www.URLAG.mn сайтын хамт олон өчигдөр ойн баяраараа бас нэгэн шинэ брэнд болох www.Zaluu.mn сайтынхаа нээлтийг ёслол төгөлдөр зохион байгуулсан юм. Тус сайтын нээлтэд өнөө цагийн манлайлал болсон залуус болох “MGL MEDIA GROUP”-ын захирал Э.Батхүү, Хөөрхөн дэлхий ТББ-ын тэргүүн, дуучин Ч.Уранхолбоо, Хөгжмийн зохиолч, төгөлдөр хуурч Б.Чинбат, Монголын урлагийн залуучуудын холбооны ТУЗ-ын гишүүн Ж.Дамдинцэрэн болон MNG Консалтингийн захирал, дуучин Бэки буюу Б.Мөнхбар нар уригдан оролцсон юм. Тэрбээр залуу хүн бүрийн заавал зочлох сайт нэгээр нэмэгдэж, Монголын тэргүүлэгч сайт болно гэдэгт итгэлтэй байгааг тэд онцолж байлаа. Ингээд уншигч, үзэгч, сонсогчиддоо бидний урилгыг хүлээн аван хүрэлцэн ирж ая дуугаа өргөсөн бүх уран бүтээлчиддээ баярлалаа, Та бүгдийг үргэлж урлагийн Янжинхлам бурхан ивээж байх болтугай хэмээн ерөөе.
"Найрсаг Улаанбаатарын төлөө" уриатай зохион байгуулагдсан Хамтарсан талархалын баярын шоу тоглолтын гэрэл зурган сурвалжлагыг хүргэж байна.
Та бүхнийг урлагийн тэнгэр ивээг…
www.URLAG.mn
