Жүжигчин, телевизийн хөтлөгч Терри Крюс “America’s Got Talent” шоуны зочин шүүгч Хайди Клумын хөргийг зурсан бичлэгээрээ цахим орчинд олны анхаарлыг татжээ.
Тэрбээр есдүгээр сарын 8-нд Клумын хөргийг зурж буй бичлэгээ инстаграм болон тикток хуудсандаа нийтэлсэн байна. Уг бичлэг богино хугацаанд олон зуун мянган лайк авч, үзэгчид Крюсын уран зургийн авьяасыг магтжээ.
Энэ нь түүний “America’s Got Talent”-ын хамтран ажиллагсдынхаа хөргийг зурсан анхны тохиолдол биш. Өмнө нь тэрбээр шоуны шүүгч София Вергара болон Саймон Коуэлл нарын хөргийг мөн зурж байжээ.
Терри Крюс урлагийн авьяасаа олон жилийн өмнөөс хөгжүүлсэн бөгөөд жүжигчин болохоосоо өмнө уран зургийн тэтгэлэг авч, зураачаар ажиллаж байсан түүхтэй.
View this post on Instagram
