“Оскар”-ын шагналт жүжигчин Женнифер Лоуренс олон жилийн турш сошиал сүлжээнээс хол байсан ч инстаграмд албан ёсоор нэгдлээ. Тэрбээр есдүгээр сарын 9-нд @jlaw нэртэй аккаунтаа нээж, дараагийн өдөр нь анхны бичлэгээ нийтэлсэн байна.
Лоуренс инстаграмд нэгдсэнээсээ хойш эхний 24 цагийн дотор бараг нэг сая дагагчтай болжээ. Гэхдээ жүжигчин шинэ платформд удаан хугацаанд байх эсэхээ хэрэглэгчдийн хандлагаас шалтгаална гэдгээ хошигнон мэдэгдсэн байна.
Тэрбээр анхны видео постдоо “Би нэг үзээд алдъя гэж бодлоо. Хэрэв хэн нэгэн сөрөг зүйл хэлбэл би шууд л хаягаа хаана. Ямар ч асуултгүйгээр. Хэн нэгэн муухай зүйл бодсон ч би мэдээд, хаягаа хаана” гэжээ.
Лоуренс одоогоор 48 аккаунтыг дагаж байгаа бөгөөд тэдний дунд Мисс Пигги, Мартин Скорсезе, Леонардо ДиКаприо, Жош Хатчерсон, Сүки Уотерхаус, Эми Шумер, Дакота Жонсон зэрэг нэрс багтжээ.
