BTS-ийн гишүүн V АНУ-ын Арлингтон хотод болсон “Worls Tour Arirang” тоглолтынхоо үеэр сонсголын бэрхшээлтэй нэгэн фэнийхээ зурвасыг анзаарч, түүнд зориулан дууныхаа үгийг дохионы хэлээр илэрхийлжээ. Энэ тухай “Allkpop” болон Өмнөд Солонгосын “Star News” мэдээлсэн байна.
Тухайн фэн тоглолтын үеэр “I’m deaf but i can feel the music” буюу “Би сонсголгүй ч хөгжмийг мэдэрч чадна” гэсэн утгатай зурвас бүхий плакат барьж байжээ. V уг плакатыг олж харсныхаа дараа “Please” дууны үгийг том, тод хөдөлгөөнөөр дохионы хэлээр илэрхийлэн дуулсан байна.
Ингэснээр сонсож чаддаггүй үзэгч ч тоглолтыг мэдрэх боломжтой байхаар дууны утгыг хөдөлгөөнөөр хүргэсэн бөгөөд тухайн фэн дараа нь энэ мөчийн бичлэгийг цахим сүлжээнд нийтэлж, V-д талархлаа илэрхийлжээ.
V өмнө нь ч сонсголын бэрхшээлтэй фэнүүдтэй дохионы хэлээр харилцаж байсан. Тухайлбал, 2020 онд “Dear Class of 2020” арга хэмжээний үеэр төгсөгчдөд зориулсан дохионы хэлний хөдөлгөөн ашиглаж, 2021 онд “Butter” дуугаа сурталчлах үеэр уг дууны нэрийг илэрхийлдэг дохионы хэлний хөдөлгөөн хийж байжээ.
Мөн V 2026 оны наймдугаар сард “Weverse”-ийн шууд дамжуулалтын үеэр сонсголын асуудлынхаа талаар анх удаа ярьж, зүүн чихний сонсгол нь нөгөө чихнийхээ ойролцоогоор 30 хувьтай байгаа бөгөөд эмчилгээ хийлгэж, эмнэлэгт тогтмол үзүүлж байгаагаа хэлсэн байна.
