Хөвсгөл аймгийн Цагааннуур сумын баруун, зүүн тайгад тува угсаатны цаатан иргэд дөрвөн улирлын турш цаа бугаа маллан, нүүдэллэн амьдарч байна.
Цаатан иргэд цаа буга маллах уламжлалт аж ахуй, өвөрмөц соёл, ёс заншил, хэл яриагаа хадгалан ирсэн бөгөөд цаа буга маллаж, тайгын амьдралын хэв маягаа авч үлдсэн цөөн ард түмний нэг юм.
Цагааннуур сумын баруун тайгад 80 орчим өрх цаа буга маллан амьдардаг. Тус сумын цаан сүргийн тоо толгой сүүлийн жилүүдэд өсөж байна.
2024 оны жилийн эцсийн тооллогоор Цагааннуур сумын цаатан иргэд 2765 толгой цаа тоолуулсан бол 2025 оны жилийн эцсийн тооллогоор 2941 толгой болж, өмнөх оныхоос 176 толгой буюу 6.4 хувиар өсжээ.
Эх сурвалж: МОНЦАМЭ агентлаг
