Өмнөд Солонгосын “BLACKPINK” хамтлагийн гишүүн, дуучин Жисү 2027 оны “Coachella Valley Music and Arts Festival”-д бие даасан уран бүтээлчээр оролцохоор болжээ.
Наадмын зохион байгуулагчид 2027 оны оролцогчдын жагсаалтыг арваннэгдүгээр сарын 11-нд танилцуулсан бөгөөд Жисүгийн нэр соло уран бүтээлчдийн дунд багтсан байна. Тэрбээр ирэх оны дөрөвдүгээр сарын 9 болон 16-нд тайзнаа гарах хуваарьтай аж.
Жисү өмнө нь “BLACKPINK” хамтлагийн бүрэлдэхүүнд 2019 болон 2023 онд “Coachella” наадамд оролцож байсан бол энэ удаа анх удаа бие даасан уран бүтээлчийн хувиар үзэгчидтэй уулзах гэж байна. Ингэснээр “Coachella”-д соло уран бүтээлчээр оролцсон “BLACKPINK”-ийн гурав дахь гишүүн болох юм. Тус хамтлагийн Женни, Лиса нар өмнө нь бие даасан уран бүтээлээрээ уг наадамд оролцож байжээ.
2027 оны “Coachella” наадам АНУ-ын Калифорни мужийн Индио хотод дөрөвдүгээр сарын 9–11 болон 16–18-ны өдрүүдэд хоёр долоо хоногийн амралтын өдрөөр зохион байгуулагдана.
Энэ жилийн хөтөлбөрт Жисүгээс гадна Дуа Липа, Тэйм Импала, SZA, Мадонна, Зара Ларссон, NCT болон Babymonster зэрэг уран бүтээлчид багтжээ.

