Жүжигчин Аманда Сейфрид сексийн үзэгдэл олонтой байсан учраас телевизийн шинэ цувралд тоглох саналаас татгалзсан тухайгаа ярьжээ. Тэрбээр “Одоохондоо би тийм зүйлд сонирхолгүй байна” хэмээн байр сууриа илэрхийлсэн байна.
40 настай жүжигчин Хэмптонсын олон улсын кино наадмын үеэр Алек Болдуины хөтөлсөн хэлэлцүүлэгт оролцохдоо дэлгэцийн дотно харилцааны үзэгдэлд хандах хандлага нь өөрчлөгдсөн талаар ярьжээ.
Сейфрид карьерынхаа эхэн үед ийм төрлийн үзэгдэлд оролцохыг илүү хөгжилтэй, сонирхолтой гэж хүлээж авдаг байсан ч одоо өөрийнх нь хувьд тийм биш болсон гэдгийг тайлбарласан байна. Тиймээс сексийн үзэгдэл олон шаарддаг шинэ цувралд тоглох саналаас татгалзжээ.
Жүжигчин бүсгүй мөн хоёр хүүхдийнхээ өмнө үлгэр дуурайлал болохыг хүсдэг тухайгаа дурдсан байна. Хүүхдүүд нь ээжийнхээ уран бүтээлийг ойлгож, үзэж эхэлж байгаа нь түүний мэргэжлийн сонголтод нөлөөлдөг аж.
Сейфрид сүүлийн үед уран бүтээлээ үргэлжлүүлэн хийж байгаа бөгөөд найруулагч Тим Блейк Нелсоны “The Life and Deaths of Wilson Shedd” кинонд тогложээ. Тус кинонд тэрбээр хүчирхийлэлтэй харилцаанд орсон багшийн дүр бүтээдэг бөгөөд кино Торонтогийн олон улсын кино наадам болон Хэмптонсын кино наадамд үзэгчдэд хүрсэн байна.
