“Хөх нар” контемпорари урлагийн төвийн гишүүн, залуу зураач О.Алтанхуягийн “Ходоод” нэртэй үзэсгэлэн “976” арт галерейн танхимд уран зураг сонирхогчдын хүртээл болж буй юм. Түүний бүтээлүүд маш жижиг хэмжээтэйгээр уран зураг сонирхогчдод хүрч байгаа бөгөөд зах зээлийн шилжилт, хотжилтын үед хүн өөрөө нийгэм, техник, технологийн нэг эд эс болж буйг дүрсэлсэн байна.
Залуу зураачийн нийгэмд орших хүн нь хүнд механизмтай адил гэдэг “том” санааг “жижиг” хэмжээнд олон хувирлаар бүтээж байгаагаараа онцлог бөгөөд түүний бүтээлээс галт тэрэгний дохион дуу, шөнөжин түжигнэн ажиллах газар ухагч машины чимээг сонсож, мэдэрч болно гэж үзэсгэлэнгийн зохион байгуулагчид онцлов.
“Ходоод” үзэсгэлэн нь “976 арт” галерейн танхимд арванхоёрдугаар сарын 10-22-ныг хүртэл уран зураг сонирхогчдын хүртээл болно.
