Загвар өмсөгч О.Амгаланбаатар “Монгол фильм” групп, найруулагч Д.Золбаярын “Учиртай гурав” киноны гол дүр буюу Юндэн, орчин үеийн дүрд Хангай гэх залуугийн дүрд тоглож олны танил болсон. Мөн "Содура" кинонд гол дүрд тоглосоноор нь өдгөө хэн хүнгүй мэднэ.
Түүнийг ааш зангийн хувьд биеэ тоосон их зан гаргаад байхгүй, өөрийнхөөрөө л байдаг гэж ойр дотныхон нь ярьдаг. Их бодолтой зөв үг хэлдэг нэгэн гэсэн шүү. Шоу, цэнгээнд тэр бүр яваад байдаггүй чөлөөт цагаа фитнесст зориулдаг ажээ. Тэгвэл тэрбээр нийгэмд сэтгэл эмзэглүүлдэг нэгэн сэдвийн талаар хөндөж басхүү энэ тал дээр хүчтэй эсэргүүцэгч гэдгээ хэлээд авав бололтой. Угаасаа нууц амрагийн явдлыг бид сайшаадаггүй шүү дээ. Тийм болохоор түүний энэ бичвэр нийтэд ихээхэн таалагдав.
"Эхнэрийг нь элдэв янзаар магтаж, магтаж найзаа гэчихээд эр нөхөртэй нь явалддаг бузруудад энэ хорвоод орших зай байгаад нь үнэхээр гайхах юм. Нөхөр нь ч гэж тэр хоёрынхоо дунд тэлээ хурга шиг тэнэгтэж гүйснээ жаргал гэж эндүүрээд л..,
Би чадаж байна гэсэн янзтай дарвалзаад явахыг нь харахаар бидэнтэй оршин буй энэ насандаа тэр яав ч зовох шинжгүй шүү. Энэ нас биш юмаа гэхэд ирэх насанд нь үгүй бол үр хүүхдэд нь үйл лай нь ирэх юмдаг уу эсвэл иймэрхүү явдал бурхны буян нүглийн дэнсээр бузар үйлд ордоггүй юм болов уу?" гэсэн юм. Үүнээс харахад тэрбээр хайр сэтгэлдээ үнэнч нэгэн гэдгээ батлан харуулав.
Д.Ана
