Амралтын өдрүүдээд нийт нутгаар цаг агаар тогтуун, дулаан байх ч шинэ долоо хоногоос ихэнх нутгаар хүчтэй цасан шуурга шуурахыг цаг уурчид хэлж байна. Үүнтэй холбоотойгоор ОБЕГ-аас малчид, ард иргэдэд сэрэмжлүүлэг гаргажээ.
Цасан шуурганы үеэр салхины хурд 18-20 м сек байх төлөвтэй байна. Ийм хэмжээний хүчтэй цасан шуургыг гамшигт үзэгдлийн хэмжээнд авч үздэг. Тиймээс зарим зам даваа хаагдаж, халтиргаа гулгаа ихсэх магадлал өндөр байна.
Өнгөрсөн 7 хоногоос цаг агаар нэлээд хүйтэрч нийт нутгийн 80 орчим хувьд нь цасан бүрхүүл тогтсон байгаа. Баруун аймгуудын зарим нутгаар цасны зузаан 13-22 см байгаа гэсэн мэдээлэл байна. Цас их орсон, мөн хүйтний эрч чангарах ч гэсэн ойрын үедээ гол нууруудын мөсний зузаан хангалтгүй байгаа. Тиймээс тээврийн хэрэгсэлтэйгээр гол нуурын мөсөн дээгүүр зорчих нь аюултай хэвээр байна гэж ОБЕГ-аас анхааруулж байна.
