Хайрын дуу, тачаангуй төрхөөрөө эрчүүдийг уярааж чаддаг “Киви” хамтлагийг Б.Халиунаа нэлээд сайн хөглөж явсан нь үнэн. Ямартаа л, түүнийг хамтлагаасаа гарсан хойно хоолойных нь бичлэгийг шинэ дуундаа ашигласан тухай дуучин О.Анхбаяр хэвлэлийнхэнд мэдэгдэж, эхнэрийнхээ “өшөөг” авч байхав дээ.
“Исгэлэн жимс”-нүүдээр имижээ хийсэн продюссер О.Ангирмаатай нь хэвлэлээр дайтаж, энэ хамтлагийг зөвхөн эхнэрийнх нь дуу хоолой авч явсныг одоо хүртэл баталдаг тэрбээр өдгөө хоёр хөөрхөн хүүгийн аав болоод байгаа. Хамтлагийнхаа хатуу гэрээг зөрчин байж дуучин залууг сонгосон Б.Халиунаа нэг хэсэг хувийн бизнес эрхэлж явсан ч, хоёр дахь хүүгээ төрүүлээд гэртээ суужээ.
Төрсөн өдрийнхөө бэлгэнд нөхрөөсөө үнэтэй машин авч, жаргалтай амьдралынхаа түүхээр “Киви”-чүүдийг атаархуулсан авьяаслаг бүсгүй маань танхил төрхөө өнөө хэр нь гээгээгүй явна. Байгаль орчныг хамгаалах чиглэлээр ажиллаж яваа нөхрийнхөө үйл хэргийг дэмжин, ар гэрийн асуудлыг нь баттай байлгахаар хичээж буй дуучин Б.Халиунаа бага хүүгээ төрүүлээд улам ч залуухан харагдах болжээ.
