Идэр есийн жаврыг
Малгай буулгалгүй сөрсөн
Эрмэг зоримог аавынхаа
Элгэнд халууцаж өссөн дөө
Бурхан сэтгэлтэй аавынхаа
Буяныг дааж л амьдрана даа
Эрээн орчлонгийн ээдрээг
Толгой гудайлгүй туулсан
Эрийн тэнгэр эцгийнхээ
Элбэрэлд халууцаж торнисон доо
Бурхан сэтгэлтэй аавынхаа
Буяныг дааж л амьдрана даа
Хатуу зөөлний хорвоод
Хазайж хэлтийж үзээгүй
Хайрхан нөмөр аавынхаа
Хайранд бялуурч өссөн дөө
Бурхан сэтгэлтэй аавынхаа
Буяныг дааж л амьдрана даа
