19-р зууны төгсгөл 20-р зууны эхэн үеийн хоёр уран барималчийн хайр дурлал хүн төрөлхтөний урлаг гоо зүйн сэтгэлгээнд үнэтэй хувь нэмэр оруулдаг. Францын нэрт уран барималч О.Роден болон насан туршдаа түүний нууц амраг хэмээгдэж явсан “хонгорхон” Каммила Клодел хоёр бол өөрсдийн хайр дурлалаа урлагийн бүтээл болгож үлдээж чадсан хоёр юм. Тэдний хайр дурлал Родены “Үнсэлт”, “Вальс”, Клоделийн “Шакантула” зэрэг бүтээлүүдэд мөнхрөн үлджээ. Харин саяхан гэр бүлээсээ салсан нэрт жүжигчин, продьюсер Брэд Питт Родены замналаар явахаар шийдсэн бололтой. Учир нь тэрээр өөрийн экс эхнэр Анжелина Жолид зориулж уран баримал бүтээж байгаа гэнэ.
Баримлыг бүтээх ажилд дотны найз уран барималч Томас Хьюсога туслаж, чиглүүлж байгаа юм байна. Тэрээр барималыг бүтээхэд хоногийн 15 цагийг зарцуулж байгаа бөгөөд барималд хоёр жүжигчин нүцгэн, экс эхнэр Анжелина Жолигийн мөрөн дээр бяцхан тагтаа сууж буйгаар дүрслэгджээ. Хэдийгээр түүний бүтээл ур хийцийн хувьд Родены барималтай тэнцэхгүй нь ойлгомжтой ч сэтгэлийг нь хангалттай илэрхийлж чадна гэж шүтэн бишрэгч нар нь үзэж байна. Харин зарим эмэгтэйчүүд түүний тухай энэ мэдээг сонсоод “эмэгтэй хүн нэг л шийдсэн бол эргэж ирэхгүй шүү дээ! Брэд амьдралаа бод хэмээн” зөвлөсөн байна.
