Алтан нарны туяа нь
Цацардгаараа л цацрана даа хө
Азын ерөөлт хань минь
Түшдгээрээ л түшнэ дээ хө
Зураг нийлсэн ханиа би
Зуун зуун жилээр хайрлана даа
Намбалаг сайхан ханиа би
Насан туршдаа дээдлэнэ дээ
Хонхон ягаан цэцэгс нь
Дэлгэрдгээрээ л дэлгэрнэ дээ хө
Хорвоод ганцхан хань минь
Дэргэд суугаад мишээнэ дээ хө
Наран гэрэлт ханиа би
Намжаа дэлхийд онцлоно доо
Төөрөг нэгтэй ханиа би
Түмэн жилдээ жаргаана даа
Гэгээн зуны болзоогоо
Дурсдагаараа л дурсана даа хө
Гэрийн гэгээ хань минь
Дууны эгшигээр уяраана даа хө
Зураг нийлсэн ханиа би
Зуун зуун жилээр хайрлана даа хө
Намбалаг сайхан ханиа би
Насан туршдаа дээдлэнэ дээ
Өврийн хангайн тэнгэр нь
Цэлийдэгээрээ л цэлийнэ дээ хө
Өндөр халхын хань минь
Өөдрөг амьдралд заяаждээ хө
Наран гэрэлт ханиа би
Намжаа дэлхийдээ онцлоно доо
Төөрөг нэгтэй ханиа би
Түмэн жилдээ жаргаана даа
