Манчестерт тоглох үед нь халдлага гарсан, америк дуучин Ариана Гранде амь үрэгдэгсдийн дурсгалд зориулан хандивын тоглолт хийхээр болсон байна. Уг тоглолтын билет зургаахан минутын дотор бужигнан дууссан бөгөөд харамсалтай нь, одоогоор бараг 1000 доллараар дамлан зарж буй тэдгээр шагчдын гарт орсон тухай Mirror мэдээлжээ.
Тоглолтын бүх орлого “Манчестер Арена”-д болсон халдлагын хохирогчдод зарцуулагдах аж. Энэхүү шоу энэ сарын 4-нд болох бөгөөд зохион байгуулагчдын өгүүлснээр, 2,5 сая доллар цуглуулахаар төлөвлөөд байгаа гэнэ.
Дэлбэрэлт болсон шоунд хүрэлцэн ирсэн хүмүүсийг хандивын тоглолтод үнэгүй оруулах бөгөөд харин олон шагчид хүмүүсийн зовлонгоор ашиг хонжоо олохоор тасалбарыг дамлан зарж байгаа аж.
Шоуны тасалбар дууссаны дараахан олон нийтийн сүлжээ болон интернет дуудлага худалдаан дээр нэг бүрийн үнийг 400-2500 паунд буюу 500-3300 доллараар тавьсан байна.
Эх сурвалж: ZONE.MN Д.Мөрөн
