Хөвсгөл аймгийн Мөрөн сумын "Авьяас" сургуулийн сурагчид Оросын хөгжмийн зохиолч Геннадий Гладков, Владимир Луговой нарын зохиол “Маша Витя” хоёр хүүхдийн дуулалт жүжгийг орос хэлээр чадварлаг тоглолоо.
Дуулалт жүжгийг ОХУ-ын Буриад улсын хөгжмийн коллежийн багш Игорь Геннадьевич Отческий удирдаж, хөгжмийг ОХУ-ын Буриадын Багшийн коллежийн, хөгжмийн тэнхимийн төгсөх курсын оюутнууд “Авьяас” сургуулийн урлагийн багш нар, ажилчид гээд олон хүний хүч хөдөлмөрөөр бүтэж үзэгчдийн хүртээл болжээ.
"Авьяас" сургууль нь жүжгээр дамжуулан хүүхдийн ур чадварыг хөгжүүлэх, гадаад хэлний сургалтад шинэ алхам хийхээр ОХУ-ын Буриад улсын багшийн сургуулийн хамт олонтой хамтран бүтээсэн шинэхэн уран бүтээлийг эцэг эх, сурагчид халуун алга ташилтаар талархан хүлээн авч байлаа. Цаашид ОХУ-ын Буриадын багшийн коллежтэй хамтран багш солилцох, мэргэжил дээшлүүлэх, туршлага судлах, хөтөлбөр хэрэгжүүлэх зэргээр хамтран ажиллахаар төлөвлөж байгаа гэдгийг "Авьяас" сургуулийн багш Б.Баярсайхан хэлж байлаа.
