Саяхан “nbc news.com сайтад” алдартай дуучдыг “Facebook”, “Twitter” дэхь шүтэн бишрэгч, дагалдагчдаар нь шалгаруулсан нэгэн сонирхолтой жагсаалт нийтлэгдсэн байна. “Facebook”-н хаанаар шүтэн бишрэгчдийнхээ тоогоор Америкийн рэппэр, жүжигчин, дуу бичлэгийн продюсер Эминем (III Маршал Брюс Майдэрс) алдартнуудыг тэргүүлжээ. Түүний “Facebook” хуудсанд 60 сая хүн хандаж “like” хийсэн байна. Эминемийн араас 59 сая шүтэн бишрэгчтэйгээрээ дуучин Рианна удаалжээ. Цахим ертөнцийн алдартнуудын жагсаалтанд тэдний араас дуучин Лэди Гага 53 сая шүтэн бишрэгчийнхээ ачаар гуравдугаар байранд орсон байна. Харин нэг сая шүтэн бишрэгч дутсанаас “Facebook”-н хааны титмийг рэппэр Эминемд алдсан алдартан Лэди Гага “Twitter”-т тэргүүн байр эзэлж чадсан байна. Тэрбээр “Twitter”-т 27.8 сая дагалдагчтай ажээ. Түүний араас Канадын залуу од Жастин Бибер 25.8 сая дагалдагчтайгаар дэд байранд жагссан байна. Тэдний араас 23.4 сая дагалдагчтай дуучин Рианна гуравдугаар байранд оржээ. Харин “Facebook”-д тэргүүн байрыг эзэлсэн алдарт рэппэр маань “Twitter”-т дөнгөж 11.8 сая дагалдагчтай гэнэ.
Б.Анхтуяа
