Топ модель Э.Одгэрэл эрх чөлөөг эрхэмлэдэг нэгэн.Тэр дундаа гэр орноо өвөрмөц өнгө дизайнаар тохижуулж, “бор гэртээ богд, хар гэртээ хаан” гэдгээ баталдаг гэлтэй.
“Мөнхийн залуу хатагтай” саяхан цоо шинэ байрандаа нүүж оржээ. “Blue sky tower”-т байрлах энэхүү өргөөг Э.Одгэрэлийн таалалд нийцүүлэн тохижуулжээ. Топ модель зочдын өрөөгөө хаалгагүй, гал тогооны өрөөгөө плиткагүй байлгахыг хүссэн байна. Түүнчлэн бүх өрөөгөө цагаан өнгийн обой, тавилгаар чимэглэжээ.
Загварын ертөнцийн хамгийн үнэ цэнтэй хатагтай энэ тухайгаа “Манай бүх өрөө цагаан өнгөтэй. Энэ бол цэвэр ариун, эрхэмсэг дээдийн илэрхийлэл юм. Нөгөө талаараа, амьдарч буй байшингийн маань нэр “Цэнхэр тэнгэр”. Энэ ч утгаараа би номин өнгөт тэнгэрийн дунд танан цагаан үүлэн дунд хөвж яваа мэт ертөнцөд амьдрахыг хүссэн юм” хэмээн ярилаа.
Эх сурвалж: "Өглөөний сонин"
