Хоолойн өнгө, жүжиглэлт, бүжгээрээ бусдаас онцгой ялгардаг дуучин Шакира өөрийн нэртэй анхны сүрчгээ худалдаанд гаргалаа.
“S by Shakira” хэмээн нэрлэсэн уг бүтээгдэхүүн Колумбын алдарт дуучны дуунд гардагчлан “нууцлаг өнгө аяс, шунал хүсэл дүрэлзүүлсэн” төдийгүй Самбакийн мэлрэг цэцгийн цэвэр анхилам үнэртэй гэнэ. Дуучин бүсгүй сүрчиг үйлдвэрлэлийн мэргэжилтнүүдтэй нягт хамтран ажиллаж, өөрийн “би”-г илэрхийлэхүйц бүтээгдэхүүн гаргасан байна. Бас “S By Shakira”-гийн савлагаа Дорнын бүжигчний биеийн галбирыг санагдуулам аж.
