Хорвоогийн сайхан бүсгүйчүүдийн нэг хэмээгдэж байсан энэ хатагтай шилтэй архиа уучихаад зүлгэн дээр унтаж байв. “Итали азарга” Сталлонегийн экс эхнэр архичин болчихоод цэцэрлэгт хүрээлэнд унтаж байна гэвэл та итгэх үү… Энэ явдал Лос-Анжелесийн паркт болжээ. Харин дэргэдүүр нь өнгөрөх хүмүүс болон папарацциуд түүнийг нэрт жүжигчин бүсгүй Брижит НИЛЬСЕН гэдгийг төвөггүй таньжээ. Тэрээр 80-аад онд Сильвестр СТАЛЛОНЕГИЙН өвөрт жаргаж, авааль эхнэр нь байсан нэгэн. Мөн Дино де Лаурентисийн “Шар Соня” хэмээх кинонд Арнольд Шварценеггертэй, “Рокки 4”-т нэгэн орос бүсгүйн дүрээр Сталлонегийн хамт тоглож дэлхийд нэр алдраа цуурайтуулж байсан билээ. 1985 онд Сталлоне, Нильсен хоёр гэрлэсэн ч хоёр жилийн дараа салжээ. Түүнээс хойш Брижит таван удаа гэрлэж дөрвөн ч хүүхэдтэй болсон. Харин хамгийн сүүлийн нөхөр нь түүнээс 16 насаар дүү Италийн нэгэн баарны бармен байжээ.
Р.Слава
