Ч.Ундрал өөрийгөө эрдэнийн чулуутай зүйрлэдэг
УДЭТ-ын маркетингийн албаны даргаар хэсэг хугацаанд ажилласан жүжигчин Ч.Ундрал өдгөө Америкт амьдарч байгаа.
“Hero” энтертайнментийн захирал, найруулагч Б.Баатараас өрх тусгаарлан, харийн оронд сурч боловсрохоор одсон тэрбээр кино клипэнд хүртэл тоглохоо больжээ. Харин дуучин, жүжигчин, нэвтрүүлэгч, багш, дарга гээд олон гуншинтай Ч.Ундрал өөрийгөө эрдэнийн чулуутай зүйрлэх дуртай гэдэг.
“Эмэгтэй хүн эрдэнийн чулуу хоёр жижигхэн байх тусмаа чамин харагддаг. Би хэзээ ч өндөр болох юмсан гэж мөрөөдөж байгаагүй. Өөрийгөө намхан нуруутай гэж боддоггүй” хэмээсэн жүжигчин бүсгүй өнгөрсөн жил хамраа янзлуулаад амжсан.
Энэ өөрчлөлтөөсөө болоод сайн, муу үг олныг дуулсан ч гаргасан шийдвэртээ ер харамсаагүй түүнд Холливудын намхан нуруутай, царайлаг жүжигчин бүсгүйчүүд таалагддаг гэнэ лээ.
Р.Есүй
