МҮБХ-ны хэвлэл "Бөх" сонины 20 жилийн ой ирэх өдрүүдэд тохиож байна. Тэртээ 1992 оны 3-р сарын 18-ны өдөр анхны дугаараа гаргаж байсан тус сонин 20 жилийг ардаа орхижээ. Түүхэн ой нь тохиож буй "Бөх" сонины ойд зориулсан бөхчүүд, урлагийнханы хамтарсан урлагийн тоглолт үзэгч, уншигч та бүхэнд хүрэх гэж байна. Гуравдугаар сарын 18-ны өдөр барилдаантай тул 19-ны өдөр тоглолт болох юм.
Тоглолтонд улсын гарьд Ж.Бат-Эрдэнэ, улсын заан Д.Рагчаа, М.Өсөхбаяр, улсын харцага Т.Нармандах, улсын өсөх идэр начин И.Ёндонсамбуу, улсын начин Б.Цэнгэлсүрэн, Д.Лхагвадорж, С.Багахүү, аймгийн арслан О.Өлзиймөнх, Х.Айдос, М.Ганзориг, сумын заан Б.Улаалзгана, Ө.Сүхбат нарын авъяастай бөхчүүд болон МУГЖ дуучин Г.Эрдэнэцэцэг, СТА дуучин Б.Батболд, Б.Батмэнд, Э.Оюумаа, Д.Бурмаа, А.Мөнхбат, Х.Батмэнд, Булган-Эрдэнэ, М.Отгонгэрэл, Л.Нарантуяа нарын уран бүрээлчид оролцох ажээ.
www.undesniibukh.mn/
