Гэрэл зурагчин Г.Ган-Өлзий өнгөрсөн нэгдүгээр сард Монгол орны 21 аймгаар тойрон аялсан байгаль, аж амьдралыг хальсандаа буулгасан “Хөх тэнгэрийн орноор” гэрэл зургийн үзэсгэлэнгээ дэлгэж байсан билээ. Тэрбээр 2010 оны тавдугаар сараас есдүгээр сарын сүүлч хүртэл 21 аймгийн нутгаар аялан, 25 мянган км зам туулсан аяллын гэрэл зургуудаараа үзэсгэлэнгээ дэлгэж байсан юм.
Тэгвэл энэ удаа өмнөх аяллын гэрэл зургуудаа цомог болгон олны хүртээл болгож буй юм байна. Г.Ган-Өлзий энэхүү цомогтоо хүн, байгаль, аж амьдрал, үндэстэн, ястны онцлог, нүд алдам тал, хэрмэн цав, ховор амьтан, ургамал зэргийг хальснаа буулгаж, цомог гаргажээ
