Лос-Анжелес хотноо ирэх оны нэгдүгээр сарын 13-нд болох кино ертөнцийн шилдгүүдийг тодруулах “Алтан бөмбөрцөг” наадамд нэрт найруулагч Стивен Спилбергийн ерөнхийлөгчийн намтарчилсан кино болох “Lincoln” манлайлагчдын эгнээд багтана хэмээн шүүмжлэгчид үзэж байгаа аж. Учир нь кино наадмыг зохион байгуулагчдын мэдээлж байгаагаар тус киноны гол дүрд тоглосон жүжигчин Дэ́ниел Дэй-Лью́ис шилдэг жүжигчний дүрд нэр дэвшиж байгаа бол Стивен Спилберг шилдэг найруулагчид, харин энэ бүтээл өөрөө “Lincoln” шилдэг кинонд тус тус нэр дэвшиж байгаа юм байна.
Харин найруулагч Бен Аффлекийн триллер “Argo” болон найруулагч Кве́нтин Таранти́ногийн энэ сарын 25-нд нээлтээ хийх “Django Unchained” кинонууд тус бүр таван номинацид нэр өрсөлдөх аж. Түүнчлэн Английн жүжигчин Хелен Миррен, Мэгги Смит нар шилдэг жүжигчинд нэр дэвшиж байгаа бол нэрт жүжигчин Жуди Денч “Downton Abbey” бүтээлээрээ хүч сорих юм. Харин шилдэг драмын жүжигчнээр Британийн нэрт жүжигчин Дей-Льюс, Ричард Гир, Жон Хоукс, Дензел Вашингтон, Хоаки́н Фе́никс нар нэр дэвшжээ.
Харин шилдэг эмэгтэй жүжигчний номинацид Жессика Честейн, Наоми Уоттс, Рэ́йчел Вайс, Хелен Миррен нар өрсөлдөнө. Киноны шилдэг дуу номинацид дуучин Аделийн дуулсан алдарт Жеймс Бондын “Skyfall” дуу багтжээ. Мөн “The Hunger Games”-ийн дуу киноны шилдэг дуу номинацид нэр дэвшсэн байна.
