“ТВ коктейль” хамтлагийн жүжигчин Н.Цэнд-Аюушийг попопера хамтлаг байгуулсан тухай хэвлэл мэдээллээр цацагдах болсон. Энэ талаар түүнтэй ярилцлаа.
-Одоо юу хийж байна?
-Төв аймгийн Батсүмбэр орж ээж, аавтайгаа уулзчихаад хот уруу буцаж явна.
-Таныг попопера чиглэлийн хамтлаг байгуулж байгаа гэсэн мэдээ цацагдсан. Энэ үнэн үү?
-Би дуулаад явж байна гэвэл ямар хүн итгэх вэ дээ /инээв/. Ер нь бол энэ чиглэлийн шинэ хамтлаг байгуулагдсан нь үнэн. Манай найз хамтлагийн нэг гишүүн нь юм л даа. Түүнээс биш би хамтлаг байгуулаагүй. Тэгэхэд намайг хамтлаг байгуулсан мэтээр бичээд байх
-Шинэ оноо хэрхэн угтав?
-Бусадтай л адил гэр бүлийн хүрээнд тэмдэглэж өнгөрүүллээ. Ер нь урлагийнханд гэр бүлийнхэнтэйгээ шинэ оноо угтана гэдэг их цөөхөн тохиолддог юм шүү.
-“ТВ коктейль” хамтлаг энэ онд юу төлөвлөж байна вэ?
-Манай хамтлаг шинэ оны уран бүтээлийнхээ төлөвлөгөөг гаргачихсан байгаа. Тухайлбал, кино хийхээр төлөвлөсөн. Ер нь ийм, тийм уран бүтээл хийнэ гэж зарламааргүй байна. Тухайн үед нь мэдээлээд явчихсан нь дээр байдаг юм. Тэгэхгүй бол төлөвлөсөн зүйл бүтэхгүй байж мэднэ. Удахгүй шинэ уран бүтээлээр үзэгчидтэйгээ уулзана.
Г.НЯМСҮРЭН
