Зураач Ц.Одгэрэл “Цагаан өнгө” нэртэй бие даасан үзэсгэлэнгээ энэ сарын 14-нд нээх гэж байна. “MaxMall” төвийн тавдугаар давхарт байрлах “976” галеaрейд нээлтээ хийх энэхүү үзэсгэлэн уран бүтээлийн дөрөв дэх бие даасан үзэсгэлэн гэнэ. Үзэсгэлэнд нийгмийн эмзэг давхаргын хүүхдүүдийг дүрсэлсэн экспрессионист бүтээлээ тавих ажээ. Түүнчлэн үзэсгэлэнгийн нээлтийн үеэр “Хөх нар” орчин үеийн урлагийн төвийн уран бүтээлч С.Ганзүг үйл хөдлөлийн урлаг буюу “performance art”-ын бүтээлээ үзэгчдэд толилуулах гэнэ.
Сонирхуулахад зураач Ц.Одгэрэл “Амьдралын өнгө”, “Нас ба цаг үе”, “Совин” зэрэг бие даасан үзэсгэлэн гаргаж байсан бөгөөд энэ удаа 2012 онд туурвисан шинэ бүтээлүүдээ дэлгэх юм байна.
эх сурвалж: 24tsag.mn