"Монголын Урлагийн Зөвлөл"-өөс соёл урлагийн тогтвортой хөгжлийг хангах, соёлын хосгүй өвийг хадгалан хамгаалахад дэмжлэг үзүүлэх эрхэм зорилгоор 2002 онд байгуулагдан үйл ажиллагаагаа явуулж байгаа нийгэмд үйлчилдэг төрийн бус байгууллага юм.
МУЗ соёлын өвийн талаарх хүүхэд залуусын мэдлэгийг дээшлүүлэх, соёлын хөдөлгөөнт өвийг сурталчлах, музейн боловсрол нийгмийн ажлын хөтөлбөрийг баяжуулан музейн тогтвортой хөгжлийг дэмжих зорилгоор “Хайрцган дахь музей” албан бус боловсролын төслийг хэрэгжүүлж эхлээд 3 жил болж байгаа билээ.
Энэ төсөл нь соёлын хөдөлгөөнт өвийн тухай мэдлэгийг олгохийн зэрэгцээ соёлын биет бус өв болох уламжлалт гар урлал, дүрслэх урлагийн дасгал ажлуудаар дамжуулан хүүхдүүдэд уран сайхан гоо зүйн мэдлэг олгодог юм.
МУЗ-н 10 жилийн ойн хүрээнд 2012 онд Петровис компани “Хайрцган дахь музей” төслийг дэмжин МУЗ-ын эрхэм хандивлагч болж Занабазарын нэрэмжит дүрслэх урлагийн музейн сан хөмрөгт тулгуурлан сургалтын багц материалыг бүтээхэд санхүүгийн дэмжлэг үзүүлсэн ба тус музейн “Хайрцган дах музей” сургуулиудаар аялахад бэлэн боллоо.
2013 оны 2 сарын 28-нд 12 цагаас Занабазарын нэрэмжит дүрслэх урлагийн музейд “Хайрцган дахь музей”-н анхны хичээлийг музейн ажилтнууд ЕБС сурагчдад зааж төслийн нээлтийг хийх гэж байна.
“Хайрцган дахь музей” цаашид сургуулиудаар аялж хот суурингаас алслагдмал нутгийн хүүхэд залуучуудад соёлын өв, музейн хөдөлгөөнт өвийн талаарх мэдлэгийг сонирхолтой хэлбэрээр олгох юм.
Дэлгэрэнгүй мэдээллийг 319015, 319017 дугаарын утсаар холбогдож авна уу.
