Цэцэгс нарыг хараад мишээдэг шиг
Чинийхээ дэргэд би чинь хайраар ургадаг
Зүүдэн ертөнцдөө хаан хатан хоёр ч гэлээ
Зүгээр л энэ амьдралд санахын л заяатай хосууд
Эзгүйчилж зүрхийг чинь эзэмддэг ч гэлээ
Эхнэрт чинь харин дандаа бууж өгдөгөө
Буруутгах эрхгүй миний л нууцхан хайр
Бусдаас чамайгаа харамлан жаргадаг
Үүлс тэнгэртээ зүрхэн хэлбэрээр амардаг
Өөрт чинь би бундан зүрхээрээ дурладаг
Жаргах замын садаа болж салгахгүй ээ
Жаргалтай мөчийг чинь алсаас харж л гэгэлзэнэ
Зөрж дотроо дарсан чин хайр мөхөхгүй
Зөрүүдэлж чамаасаа зугтсан ч бас л мартахгүй
Дэргэд чинь байхгүй ч сэтгэл минь чамдаа уяатай
Дэврүүн хүсэл оргилсон дурлал минь ҮНЭНЧ хэвээрээ шүү..,
www.URLAG.mn
