Өмнөд Солонгосын рэппэр PSY өөрийн улсын нэгэн телевизийн нэвтрүүлэгээр “Gentleman” нэртэй нэгэн шинэ уран бүтээлээ хүргэхэд бэлэн болоод байгаа талаар мэдэгджээ.Тэрээр “шинэ дуу маань мөн л бүжгийн хэмнэлтэй хүмүүст эрч хүч өгөх уран бүтээл. Гэхдээ дууныхаа клипэнд гарах бүжгийн талаар тодорхой ярьмааргүй байна. Харин Солонгосчуудын хувьд бүгд энэ бүжгийг мэднэ” гэжээ. PSY энэхүү шинэ дуугаа дэлхийг байлдан дагуулсан "Gangnam Style”-ийн нэгэн адил дуу болно гэдэг итгэлтэй байгаа гэнэ. Бүжгийн хэмнэлтэй уг бүтээлээ PSY энэ сарын 12-ноос эхлэн сонсогчдын хүртээл болгох бөгөөд тэрээр анх удаа хийх гэж буй өөрийн бие даасан тоглолтондоо ийнхүү шинэ уран бүтээлээ хүргэх аж.
www.URLAG.mn
