Нийслэлийн Боловсролын газар, ҮСАХ, “Улаанбаатар чуулга”, “Билэг” төвөөс жил бүр уламжлал болгон зохион байгуулдаг “Бяцхан тод авьяастан” хүүхдийн урлагийн наадам энэ сард шилдгүүдээ тодруулна. 16 дахь жилдээ зохион байгуулагдаж байгаа уг наадамд энэ жил 360 хүүхэд авьяас билгээ сорьж буй аж. Наадмын эхний шалгаруулалт өнгөрсөн сарын 29-нд болсон бол хоёрдугаар шатны шалгаруулалт өчигдөр эхэлжээ. Хоёрдугаар шатанд нийт 180 хүүхэд шалгаран үлдсэн аж.
Хүүхэд багачуудын авьяасыг дэмжиж хөгжүүлэх зорилготой уг наадамд оролцогчид ҮСАХ-нд 50 хувийн хөнгөлттэй үнээр тоглох эрхийн бичиг, “Маамуу нааш ир” тоглоомын төвд тоглох эрх, “Витсамо” ундаа, “Батос” зайрмаг зэрэг олон олон бэлгийн эзэн болдогоороо онцлогтой. Түүнчлэн уг наадмыг үзэж сонирхсон хүүхэд багачуудад ҮСАХ-д хөнгөлттэй үнээр тоглох эрхийн бичиг олгож байгаа гэсэн. Харин “Бяцхан тод авьяастан” тавдугаар сарын 14-нд тодорно хэмээн зохион байгуулагч тодотгосон.
Та бүхнийг урлагийн тэнгэр ивээг…
www.URLAG.mn
