Нийслэлийн “Улаанбаатар” чуулгын уран бүтээлчид олон улсын хүүхдийн эрхийг хамгаалах өдөрт зориулан бяцхан үзэгчиддээ олон олон уран бүтээлүүдээр бэлэг барих гэж байна. Тэд 5-10 насны багадууддаа “Янзган хүрээ” мюзикл, “Алтан түлхүүр”, “Миний чинь зоригт бяцхан найз” адал явдалт жүжгүүд, 11-16 насынханд “Мөрөөдлийн үзэг”, “Хайрт Долгор багш”, “Галт тэрэгний тасалбар” хүүхдийн жүжгүүдээ 05 сарын 26-аас 05 сарын 31-ний өдрүүдэд өөрийн байрандаа тоглохоор болжээ.
Түүнчлэн хүүхэд багачууддаа зориулж, 3-н жүжгийг нэг үнээр буюу 10.000 төгрөгийн үнэтэй нэг тасалбараар үзүүлэх бөгөөд уг тасалбараар Үндэсний Соёл Амралтын хүрээлэнд 20%, Оюун ухааны олон улсын музейд 10%, “Сантис” сургалтын төвийн зуны сургалт, Сэтгэл судлалын Үндэсний төв, Боломж дандаа чиний гарт сургалт, Хүний нөөцийн сургалт хөгжлийн хүрээлэнгийн зуны сургалтуудад тус тус 10%-ийн хөнгөлөлт эдэлж, Скайтел компанийн D20 үйлчилгээнд сугалаа сугалах эрх авах юм байна.
Ийнхүү оюуны цэнэг бэлэглэсэн олон гайхалтай жүжгүүдийг үзэж, олон олон бэлгийн эзэд болоорой.
www.URLAG.mn
