Бид энэ удаагийнхаа “mobile news” булангаараа дуучин Б.Халиунтай холбогдож тодруулга хийсэн юм. Солонгос киноны дууг дуулж хэсэг хугацаанд хит болгож амжсан хайрын дууч болох О.Анхаа, Б.Халиун хоёр айл гэр болж, хөөрхөн хүүтэй болсон бөгөөд өдгөө хүү нь 5 нас хүрчээ.
Залуу эрч хүчтэй, уран бүтээлчид болохоо харуулж зургаан цомгийг гаргаад амжсан. Сүүлийн үед гадны орноор аялан дэлхийн өнцөг булан бүрт байгаа Монголчуудтай уулзаж нэвтрүүлэг бэлтгэн цэнхэр дэлгэцээр гарах болсон.
Харин сүүлийн үед хайрын дууч гэр бүл ахин бүл нэмэх тухай мэдээлэл цацагдах болсон. Энэ тухай манай сайт дуучин Б.Халиунаас тодруулга хийхэд “Тийм биш ээ бид одоогоор хүүхэдтэй болоогүй” гэсэн мэдээллийг өгсөн юм. Хэдий худлаа мэдээлэл цацагдсан ч цаашдаа бүл нэмж, өнөр өтгөн айл болохын ерөөлийг өргөе. Цаашдын уран бүтээлд нь өндөр амжилт хүсч байна.
Я.Соёлоо