"Prosound" студийн дууны найруулагч Рагугийн санаачлан, Монголын рок, попын төлөөлөл болсон шилдэг уран бүтээлчидтэй хамтран хэрэгжүүлж буй “The Mongolian Live Sessions” төслийн ээлжит уран бүтээлийн эзэд бол дуучин Сарантуяа, гитарчин Мөнх-Оргил нар юм.
Нэг дуучин, нэг хөгжимчин хамтран уран бүтээл туурвих явцыг харуулах, амьд хөгжмийн ажлыг харуулах зорилготой төслийн хүрээнд рок, попын шилдэг 16 уран бүтээлчийн найман видео бичлэгийг ямар ч засвар өөрчлөлтгүйгээр үзэгчдэд толилуулж эхэлсэн нь үзэгч, сонсогчдод ихэд таалагдаж байгаа. Одоогоор төслийн хүрээнд “Sweetymotion” хамтлаг, төгөлдөр хуурч, хөгжмийн зохиолч Б.Чинбат болон “Харанга”-ын Х.Лхагвасүрэн, гитарчин Өөжгий нарын хослол, “Номин талст” хамтлагийн дуучин Т.Дэлгэрмөрөн, ятгын хатан хаан Ч.Мөнх-Эрдэнэ, Төрийн соёрхолт, дуучин Д.Болд, төгөлдөр хуурч Т.Пүрэвсүх, “A Sound” хамтлагийн дуучин Тэмүүлэн, соло гитарчин Ц.Алтангэрэл буюу Атка нарын хамтарсан "You cast your spell" хэмээх уран бүтээлүүдийг үзэгчдэд хүргээд байгаа билээ
Сонирхуулахад Мөнх-Оргил бол Монгол Улсын Ардын Жүжигчин Сувд гуайн хүү, дуучин Бат-Оргилын дүү юм байна. Тэгхээр нэгэн цагт энэ 2 хүн худ ургийн холбоотой явсан гэсэн үг. Учир нь Сувд гуайн дүү Ганхуяг Сарантуяа 2 эхнэр нөхөр байсан юм.
Ингээд та бүхэндээ "The Mongolian Live Sessions" төслийн 6 дахь клип болох "Учралын Блюз" дууг хүргэж байна.
www.URLAG.mn
