Тулгар төрийн 2222 жилийн ой, Үндэсний их баяр наадам, Ардын хувьсгалын 92 жилийн ойн их баяр наадмын хурдан азарганы уралдаанд 204 бүртгүүлжээ. Энэ жилийн наадмын азарганы уралдааны цээжинд давхин хэмээн түмэн олон таамаглаж суугаа Говь-Алтай аймгийн Шарга Сумын Алтай констракшны захирал Монгол улсын Тод манлай уяач Х.Батэрдэнийн Хул азарга, Өмнөговь аймгийн Цогтцэций сумын харъяат Монгол улсын манлай уяач Дашдэмбэрэлийн Халзан зэрэг газар газарын шигшмэл хурдан хүлгүүд Хүйн мандалын хөндийд тоосоо өргөхөөр зурхайн зүг хөдөлжээ. Монгол улсын манлай уяач Дашдэмбэрэлийн Халзан азарга бол улсын наадамд хоёр удаа түрүүлж байсан энэ цагийн энгүй хурдан хүлгүүдийн нэг билээ.
Түүнчлэн Өвөрхангай аймгийн Хужирт сумын харъяат П.Батсайханы улсад дөрвөн удаа, бүсэд хоёр удаа айрагдсан Гуулин зээрд, Сүхбаатар аймгийн Дарьганга сумын харъяат Монгол улсын манлай уяач Сангийн сайд Ч.Улааны Хул, бүсэд нэг удаа айрагдаж байсан Зээрд азарга зэрэг олон алдартай алтан туурайтнууд ийнхүү уралдахад бэлэн болжээ.
Та бүхэн сайхан наадаарай…
www.URLAG.mn
