Жамъянгийн Чулуун

Төрийн шагналт, Ардын жүжигчин, Монголын хөгжмийн театрыг үндэслэгчдийн нэг, хийлч, удирдаач, хөгжмийн зохиолч 
Жамъянгийн Чулуун

МУГЖ 1951 он, Төрийн шагнал 1966 он, АЖ 1971 он
Ж.Чулуун 1928 онд Ховд аймгийн Жаргалант сумын нутагт төрсөн. 1939 оноос Төв театрт ажиллаж эхэлсэн бөгөөд үндэсний хөгжмүүдээс гадна хийл хөгжмийг эзэмшиж, улмаар зөвлөлтөөс ирсэн мэргэжилтэн Б. Смирнов А. Белоусов нарын шавь болжээ. 1950 он хүртэл тус театрын гоцлол хөгжимчин, ХБДС-ын хийл хөгжмийн ангийн багш, удирдаачаар 1960-аад оны дунд үед хүртэл ажилласан.

Прага, Будапешт, Бухарест хотод болсон ДЗО-ны их наадмуудад хөгжимчнөөр оролцож байв.

Ж.Чулуун 1960-1988 онуудад Улсын дуурь бүжгийн академик театрын ерөнхий удирдаач, 1988 оноос Улсын филармоний ерөнхий удирдаач, уран сайхны удирдагчаар ажилласан. УДБЭТ-ын тайзнаа 20 гаруй дуурь, балетийг удирдан тоглуулжээ.

Уран бутээлээс:
1. Балет:
Уран хас балет/Б. Ширэндэндэвийн цомог/ 1973 он
2. Хөгжмийн бүтээл
Найрал хөгжимтэй хийлийн хоршил 1949 он.
Ардын хоёр дууны сэдэвт хувилбар аяз /Хийл, найрал хөгжимд/ 1951 он
"Аялгуу" хийлийн чуулга 1972 он
"Уулын горхи" хийлийн чуулга 1975 он

3. Удирдаж тоглуулсан дуурь, балет:
Б.Дамдинсүрэн “Учиртай гурван толгой” /1950/, Б.Дамдинсүрэн “Шарай голын гурван хаан” /1961/, П.И.Чайковский “Евгений Онегин”/1963/, В.Мурадели “Октябрь” 1967 он, Ш.Гуно “Фауст”/1969/, С.Рахманинов “Алеко”/1969/, Д.Лувсаншарав “Шивээ Хиагт”/1971/, А.Бородин “Игорь ван”/1972/, Б.Дамдинсүрэн “Мартагдашгүй 42 хоног”/1974/, Дж.Верди “Риголетто”/1986/ зэрэг дууриуд

Б.Асафьев “Бахчисарайн оргилолт бүлаг”/1956/, С.Гончигсумлаа “Ганхуяг”/1953/, Р.Ярулин “Шурале”/1958/, Э.Чойдог “Шарилжин дундах цэцэг”/1975/, Э.Чойдог “Мөнхийн нөхөрлөл”/1968/, С.Гончигсумлаа “Найз залуус”/1970/, Л.Минкус “Дон Кихот”/1971/, С.Прокофьев “Золушка”/1972/, Испани бүжгийн цоморлиг 1977, Э.Чойдог “Мөнгөн залаа”/1979/, А.Хачатурян “Спартак”/1984/ зэрэг балетууд

Уран сайхны 10 орчим киноны хөгжим, нийтийн дууны олон арван бүтээлтэй.