“Тэнгэрийн бичээс” хэмээх уран бичлэгийн үзэсгэлэн өнгөрсөн 24-нд “Blue moon art gallery”-д нээгджээ. Уг үзэсгэлэнд манай улсын шилдэг уран бүтээлчдийн төлөөлөл болсон 20 гаруй мэргэжлийн уран бүтээлчдийн 40 гаруй бүтээлүүд дэлгэгдсэн ажээ. Мөн уг үзэсгэлэнд дэлгэгдсэн бүтээлүүдээс ирэх 05-р сарын 02-нд шилдэг бүтээлийг шалгаруулах бөгөөд шүүлдийг шалгаруулалтад хүрэлцэн ирсэн бүх мэргэжилийн уран бүтээлчдийн саналаар тодруулах юм байна.
Ангилал: Үзвэр
УДЭТ-ын уран бүтээлчид энэ дөрөвдүгээр сарыг “Хайрын жүжгийн сар” болгон зарласан билээ. Тус театрын тайзнаа саяхан В.И.Красногоровын агуу хайрын тухай өгүүлсэн “Хайрын домог” жүжиг амилсан бол энэ амралтын өдрүүдэд мөн В.И.Красногоровын “Би ч гэсэн жаргамаар байна” мелодрам жүжиг мөн “Гэгээн муза 2005”-ын “Шилдэг зохиолч” номинацийн эзнээр тодорч байсан нэрт сэтгүүлч, Соёлын гавьяат зүтгэлтэн Ц.Балдоржийн “Шөнө амталсан нулимс” орчин үеийн жүжиг тайзнаа дахин тоглох гэж байна. Нэгэн гэр бүлийн амьдралаар нийгэм, цагийн байдлыг бүхэлд нь харуулсан уг бүтээл эр хүний ноён нуруу, гэр бүлийн үнэ цэнийг харуулна. Жүжгийн гол дүрд Ардын жүжигчин П.Цэрэндагва, Н.Сувд, С.Сарантуяа нар тоглох юм. Найман жилийн өмнө анх тавигдсан уг жүжиг өнөө ч үнэ цэнээ алдаагүй, үзэгчдийг татсаар байгаа юм.
Өнгөрсөн сард драмын урлагийн шилдгүүдийг тодруулдаг “Гэгээн муза Х” наадмыг амжилттай зохион байгуулсан УДЭТ-ын хамт олон нь дөрөвдүгээр сарыг хайрын сар болгон зарлаж байгаа ажээ. Дурлалт хосууддаа, үзэгч түмэндээ бэлэг барихаар энэ сарын 10-аас эхлэн дэлхийн болон монголын хайрын шилдэг жүжгүүдийг тоглох гэнэ.
Өнөөдөр дэлхийн яруу найрагчдын баярын өдөр тохиож байна. Анх 1999 оноос хойш дэлхий нийтээрээ тэмдгэлсээр иржээ. Энэ өдрийг тохиолдуулан Монголын Зохиолчдын Эвлэлийн “Яруу Найргийн Үндэсний Төв”-өөс санаачлан зохиолчдын “Анхны номын үзэсгэлэн” зохион байгууллаа.
Монголд үндэсний сэтгүүл зүй үүсэж хөгжсөний 100 жилийн ойд зориулсан үе үеийн гэрэл зурагчдын хамтарсан үзэсгэлэн өчигдөр Төрийн ордонд нээлтээ хийжээ. Тус үзэсгэлэнд XIX зууны сүүлч, ХХ зууны эхэн үед Монголоор аялсан гадаадын гэрэл зурагчдын бүтээлээс эхлээд Монголын анхны гэрэл зурагчдын болон орчин цагийн гээд нийт 90 гаруй уран бүтээлчийн 500 гаруй бүтээл багтсан байна.
Соёл, спорт, аялал жуулчлалын яам, Соёл урлаг хөгжүүлэх сан, Монголын орчин үеийн урлагийг дэмжих холбоо хамтран “Ертөнцийн гэгээ” нэртэй эмэгтэй уран бүтээлчдийн үзэсгэлэнг 976 Арт Галерейд энэ сарын 6-30-ны өдрүүдэд зохион байгуулах гэж байна. Эмэгтэй уран бүтээлчдийг дэмжих, бүтээлийг нь гадаад, дотоодод сурталчилах зорилготой уг үзэсгэлэнд оролцох хүсэлтэй уран бүтээлчдийн бүтээлийг өнгөрсөн сарын 28 хүртэл хүлээн авсан бөгөөд нийт 60 гаруй уран бүтээлчийн100 орчим бүтээл иржээ. Тэдгээр бүтээлээс шалгуурт нийцсэн 43 уран бүтээлчийн 50 гаруй уран зураг, 10 гаруй баримал, инстоляц үзэсгэлэнд тавигдахаар болжээ.
Драмын урлагийн шилдгүүдийг тодруулах “Гэгээн Муза” наадам 10 дахь жилдээ олон улсын театрын баярын өдрөөр буюу ирэх 03 дугаар сарын 27-нд зохион байгуулагдах билээ. Гэгээн Муза Академи, ССАЖЯ, УДЭТ, Улсын хүүхэлдэйн театр, Монголын урлагийн ажилтны холбоо, Олон Улсын театр институтын Монгол дахь төв нар хамтран зохион байгуулж буй тус наадмыг угтаж “Гэгээн Муза” наадмын шилдэг бүтээлүүдийн цоморлигийг та бүхэндээ толилуулж байгаа билээ.
Мартагдах шахаад буй бурхны шашны нууц тарнийн ёсны очирт бүжиг болох цамыг сэргээх, уламжлалт цамын баг бүжгийг ном ёсны дагуу түмэн олонд хүргэх зорилгоор Гандандаржаалин хийд, Мандала бурхан шашны соёлын төвийн тэргүүн Н.Батбаярын санаачлагаар “108 цам” төсөл хэрэгжиж байгаа. Тэгвэл энэхүү төсөлд хувь нэмэрээ оруулахаар Зураач Ч.Солонго “108 цам” хэмээх уран бүтээлийн үзэсгэлэнгээ “Улаан гэр” галерейд энэ сарын 25-наас эхлэн толилуулахаар болжээ.
Драмын урлагийн шилдэгийн шилдэгүүдийг шалгаруулдаг “Гэгээн Муза” наадам энэ жил уламжлал ёсоороо ирэх гуравдугаар сарын 27-нд 10 дах жилдээ зохион байгуулагдахаар товоо зарласан билээ. Тус наадмыг угтаж УДЭТ-ын тайзнаа энэ сард тоглогдох үзвэрийн хуваарийг та бүхэндээ танилцуулж байна.
Монголын Уран зургийн галерейн санаачилгаар байгуулагдсан “Керамик арт” студи, 116 дугаар дунд сургуулийн сурагчидтай хамтран “Тэмтрэхүй” үзэсгэлэнгийн төслийг хэрэгжүүлсэн юм. Тус үзэсгэлэнгийн нээлт өнөөдөр 15.00 цагт Уран зургийн галерейд үзэсгэлэнгийн танхимд болно.