ДБЭТ-ын уран бүтээлчид ирэх амралтын өдрүүдэд А.Хачатурян “Спартак” балетыг тоглох гэж байна.
Цомнолыг Рафаэлло Джовавелийн “Спартак” зохиолоос сэдэвлэн Н.Волков, А.Хачатурян нар 1954 онд хөгжмийг бичиж, балетмейстер Л.Якобсон, “Киров”-ийн театрт 1956 оны арванхоёрдугаар сарын 27-нд анх найруулан тавьж байжээ.
Монголын кино урлагт өөрийн гэсэн өнгө төрхтэй найруулагч Б.Чингүүний цоо шинэ бүтээл адал явдалт, инээдмийн, хайрын тухай өгүүлэх “ӨРТӨӨ” уран сайхны кино өнгөрсөн баасан гарагт нээлтээ хийсэн билээ.
МҮЭ-ийн Соёлын Төв Ордны санаачилгаар “Өсвөрийн Шатарчдын Ази Тивийн Аварга Шалгаруулах Тэмцээн”-ний хүрээнд зохион байгуулагдаж буй “МОНГОЛ ЭГШИГЛЭН” ардын урлагийн тоглолт МҮЭ-ийн Соёлын Төв Ордны Концертын Их танхимд боллоо.
Австралийн тэрбумтан Жеймс Паркертай сүй тавиад удаагүй байгаа дуучин Мэрайя Кери саяхан үс болон хөлөө 70 мянган ам.доллараар даатгуулжээ.
Европоор аялан тоглож буй Мэрайян дараагийн зогсоол Өмнөд Америк ажээ. “Аялан тоглолт бол зүгээр нэг урлагийн арга хэмжээнээс гадна томоохон бизнес. Зам зуурт ямар ч эрсдэл тохиож болох учир дуучин ийм шийдвэрт хүрсэн” гэж түүний төлөөлөгч мэдэгдсэн байна.
Монголын кино урлаг ид цэцэглэлтийн үедээ явж байна. Ингэж хэлэхийн учир энэ цагт ар араасаа дэлгэцнээ гарч буй кинонууд зохиол, хийц, найруулга, жүжигчдийн тоглолт гээд бүх талаараа үзэгчдийн хүлээлтийг давсан сайн уран бүтээл болсоор байгаа юм. Энэ нь нөгөө талаар Монголын киночид боловсорч, туршлагажсаны илрэл. Чухамдаа Монгол кино үзэгчдийг байлдан дагуулж байна.
Театр урлагт хайртай хэн бүхний хүсэн хүлээн байж оролцдог “Гэгээн муза 13” олон улсын театрын наадам тавдугаар сарын 1-нээс 7-ны өдрүүдэд зохион байгуулагдаж шилдгийн шилдгүүдээ тодруулах юм. “Гэгээн Муза” Академи, Олон улсын театрын институтийн Монгол дахь төвөөс зохион байгуулж байгаа “Гэгээн Муза-13” олон улсын театрын наадмын хамтран зохион байгуулагчаар Нийслэлийн засаг даргын тамгын газар, Боловсрол, Соёл, Шинжлэх, Ухааны яам, Улсын драмын эрдмийн театр ажиллаж байгаа бол Монголын хүүхэлдэйн театр, Монголын урлагийн залуучуудын холбоо, Black box театр, Missha brend нар ивээн тэтгэгч, дэмжигч байгууллагаар ажиллаж байгаа ажээ.
KFC рестораны бүх салбараар энгийн бургерээс илүү том хэмжээтэй “Данагар бургер” худалдаалагдаж эхэллээ. Аманд багтахгүй аварга том энэхүү бургер нь XXL хэмжээтэй, амтат шарсан тахиа, гахайн утсан мах, амтат бяслаг, аагтай сонгино, барбекью соусны орцтой бөгөөд нэг нь 7500 төгрөгөөр худалдаалагдаж байна.
Дуучин Селена Гомез найз залуутай болсон талаар “www.dailymail.co.uk” мэдээллээ. Тэрбээр Британийн дуучин Чарлье Пут гэгчтэй үерхэх болжээ. Хос өнгөрсөн оны арванхоёрдугаар сараас дотно болцгоосон гэнэ. “Тэд өнгөрсөн амралтын өдрөөс албан ёсоор үерхэхээр болсон” хэмээн Селенагийн найз ярьжээ.
Дуучин залуу инстаграмдаа Селенатай авахуулсан зургаа нийтлээд “Миний зүрхийг хүчтэй цохилуулсан бүсгүй” гэж бичсэн байна. Мөн Селенагийн экс найз залуу Бибертэй үнсэлцэж буй зургийг инстаграмдаа нийтлээд “Зайгаа бариарай залуу минь. Ганцхан удаа сануулна шүү” гэжээ.
Хариуд нь Бибер твиттертээ Селенатай авахуулсан зургаа нийтлээд “Хэн нь зайгаа барих бол доо” гэсэн байна.
Өнгөрөгч долоо хоногт Бибер Лос Анжелес хотноо тоглолтоо хийсэн билээ. Уг тоглолтыг Селена, Чарлье нар хамтдаа үзжээ.
Сар бүр зохион байгуулагддаг “Гэр бүлийн өдөр” 4 сарын 9-ны өдөр KFC Смарт салбарт зохион байгуулагдлаа. Хүүхэд багачууд маань хүүхэлдэйн циркийн тоглолт үзэн нэг өдрийг дуу хөөртэй хөгжилдөн өнгөрөөлөө.
Театрын урлагийн шилдгийн шилдгийг шалгаруулдаг “Гэгээн муза 2016” наадам ирэх сарын 1-7-ны өдрүүдэд зохион байгуулагдах гэж байгаа билээ. Өнгөрөгч дөрөвдэхь өдөр тус наадмыг зохион байгуулагчид хэвлэлийн хурлаа хийж батламжаа гардуулсан юм. Тэгвэл анх байгуулагдсан цагаасаа өөрсдийн гэсэн мюзиклтэй болохыг зорилгоо болгоод байсан “Увюртура” хамтлагийн залуус мөрөөдөлдөө хүрч “Надад үлдсэн найз” мюзиклээ энэ онд хоёр ч удаа үзэгчдийн хүртээл болгосон бөгөөд тус мюзиклээрээ энэ жилийн “Гэгээн муза-2016” наадамд өрсөлдөж байгаа юм.
