“Blackpink” хамтлагийн гишүүн Лиса Америкийн алдарт “Vanity Fair” сэтгүүлийн “Lie Detector Test” буюу үнэн худлыг тодорхойлогч машинд холбогдон асуултад хариулдаг цувралд оролцож, фенүүдийнхээ өмнө урьд өмнө ярьж байгаагүй олон зүйлээ дэлгэлээ. Түүний хөгжилтэй, чин сэтгэлийн хариултууд цахим орчинд хэдийнээ шуугиан тарьж эхлээд байна.
Лиса анх Пранприя нэртэй байсан бөгөөд үзмэрчийн зөвлөснөөр нэрээ сольж байсан түүхтэй. Одоо ч тэрбээр үзмэрч дээр очих дуртай бөгөөд хамгийн сүүлд л гэхэд ердөө сарын өмнө очиж, өөрийнх нь 2026 оны амьдрал хэрхэн өрнөх талаар асуужээ.
Мөн тэрбээр дэлхий дахиныг байлдан дагуулж буй “Labubu” хүүхэлдэйн трендийг Лиса өөрөө эхлүүлсэн гэж хэлэхээс татгалзсан ч улаан фен нь гэдгээ баталсан юм. Нууц хувилбарыг нь авахын тулд “PopMart”-аас гуйж, бэлгэнд авч байснаа ч нуулгүй хүлээн зөвшөөрөв.
