Төрийн шагналт, Ардын жүжигчин Ц.Намсрайжавын нэрэмжит Монгол Улсын Филармонийн 40 жилийн ой энэ онд тохиож байгаа билээ. Ойн хүрээнд Филармоний уран бүтээлчид үзэгчдэд сонгодог хөгжмийн дөрвөн тоглолтыг зориулж байгаа юм. Ийнхүү энэ онд 20 жилийн ойн тохиож буй “Морин хуурын чуулга”-ын уран бүтээлчид монголын нэртэй хөгжмийн зохиолчид төдийгүй дэлхийн сонгодог хөгжмөөс түүвэрлэсэн тоглолтоо Өнөөдөр 17.30 цагт Соёлын төв өргөөнд ганцхан удаа тоглох ажээ.
Ангилал: Уртын дуу
Дэлхийн супер оддын нэг кантри дуучин Тейлор Свифтийн шинэхэн бүтээл “Red” цомог худалдаанд гарсан эхний долоо хоногтоо 1.2 сая хувь борлогдож, ойрын арван жилд тохиолдоогүй дээд амжилт тогтоожээ. Үүнээс өмнө рэппэр Эминемийн 2002 онд гаргасан “The Eminem Show” цомог худалдаанд гарсан эхний долоо хоногтоо 1.322 хувь борлогдож дээд амжилт тогтоосон байна.
Дэлхийн супер од “Элтон Жон”, “Энгэлберт Хампердинк” нар хамтран ирэх онд цомог гаргахаар ажиллаж байгаа ажээ. Тэд ярихдаа “Бид хамтран дуулж байгаадаа их баяртай байгаа” хэмээн ярьжээ. Хампердинкийн сүүлийн цомог 45 настайдаа гаргаж байсан Release Me цомог хамгийн борлуулалт сайтай цомгоор тодорч байсан. 1960-аад оны үед түүний цомгууд хамгийн борлуулалт сайтай цомгийн тоонд ордог байв. Олон жилийн турш хөгмийн продюссер хийсэн тэрээр энэ жил “Eurovision”-нд Love Will Set You Free дуугаараа оролцсон байна. Хэдийгээр ханасан сайн үзүүлэлт гаргаж чадаагүй ч энэ наадамд оролцсондоо сэтгэл хангалуун байгаа гэнэ.
Дэлхийн супер од Өмнөд Солонгосын дуучин Psy “Gangnam Style” дуугаараа дэлхий дахинд алдаршсан нэгэн. Тэрээр уг дууныхаа клипэнд өмсдөгтэй адилхан хувцаснуудыг “Facebook” хуудсаар холбогдож авах боломжтой болжээ. Дуучин Psy-ийн логотой “Gangnam style” саравчтай малгай, хүрэм, бугуйвч, путфолк зэргийг худалдан авч болох гэнэ.
“Глоб Интернэшнл” төрийн бус байгууллага 2012 оны 11 дүгээр сарын 7-ны өдрийн 17.30 цагаас “Блэк Бокс” театрт Уншигчийн театрын тоглолт зохион байгуулах гэж байна. Уншигчийн театр (reader`s theatre) буюу тавилттай уншлага (staged reading) гэдэг нь аливаа жүжгийн зохиолд зориулан тайз засаж, тусгай хувцах өмсөн, гэрэл тавихгүй, зөвхөн хөгжим ашиглан жүжиглэлтэд анхаардаг театрын үзвэрийн нэг хэлбэр юм.
Зарим уран бүтээлчдэд ингэж хэлмээр санагдав. Дэлхий бөөрөнхий шүү дээ гэж. “Бөхийн өргөө”, “АСА” цирк ч ялгаа байхгүй адилхан. Дугуй хэлбэртэй байх нь нэр болоод хэлбэрээсээ шалтгаалан өөр өөрийн онцлогтой. Учир нь бөхчүүд зөвхөн нэг хэсэг рүү хараад барилдаад байвал хэн ч түүнийг үзэхгүй. Өөрөөр хэлбэл уран бүтээлчдэд зориулсан тайзан дээр бөх барилдах учиргүй юм. Циркийн үзүүлбэр болон бөх барилдахад зориулагдсан байгууламж нь орон зай болон харах өнцөг хамааралгүй бүхий л үзэгчдэд хүрдэг учраас дугуй хэлбэртэй байж болдог.
ДБЭЧ-ын уран бүтээлчид энэ сарын 10-нд хоёр бүлэг, зургаан үзэгдэлт “Чингис хаан” дуурийг үзэгчдэдээ толилуулах гэж байна. Тус дуурийн агуулга нь Их Эзэн Чингис хааны 1189 он хүртэлх амьдрал, тэмцэл, хайр сэтгэл, эв нөхөрлөл, тэмцэл тулааныг үзүүлэх аж. Хөгжмийг Төрийн шагналт, урлагийн гавьяат зүтгэлтэн Б.Шарав бичсэн бол удирдаачаар урлагийн гавьяат зүтгэлтэн Ж.Бүрэнбэх ажиллана. Найруулагчаар урлагийн гавьяат зүтгэлтэн Л.Эрдэнэбулган, зураачаар Ардын зураач Ч.Гунгаасүх, туслах найруулагчаар Е.Сарантуяа ажиллаж байна.
Засгийн газраас жил бүр хүүхэд багачуудад зориулсан уран бүтээлийг олшруулах зорилгоор тайз дэлгэцийн бүтээлийн зохиолын уралдааныг зарлаж, түрүүлсэн бүтээлийг тайз дэлгэцэнд тавихад зориулан санхүүжилт олгодог болоод нэлээдгүй хугацаа өнгөрсөн ажээ.
Аделийн 10 хоногтой хүүд Жесси Жей, Риана, Сид Овен зэрэг алдартай дуучид бэлэг өгсөн байна. Хамгийн сонирхолтой бэлгийг дуучин Рианна өгчээ. Дуучин бүсгүй бяцхан хүүд хошин хүүрнэл өгүүлж буй хоёр хүүхэлдэй бэлэглэсэн бөгөөд бэлэг нь Аделийн гэр бүлийнхэнд ихэд таалагдсан байна. Мөн дуучин Рианна Аделийг жирэмсэн болсонд баяр хүргэсэн анхны хүн аж. Тэрээр бэлгээ сонгохдоо хэн нэгэнтэй адилхныг сонгохгүйн тулд удаан бодсон гэнэ.
Хүүхэлдэйн театрын уран бүтээлчид ЕБС-ийн бага сурагчдын улирлын амралт эхэлсэнтэй холбогдуулан уран бүтээлийн дээжсээ толилуулахад бэлэн болжээ. Тэд бяцхан үзэгчдэдээ зориулан их тайзнаа “Бяцхан хатагтайн хүүхэлдэйн театр” хүүхэлдэйн шоуг, мөн В.Хауфын зохиол өнгөрсөн жилийн “Гэгээн муза” наадмын хоёр цомын эзэн болсон “Том хамарт одой” жүжгийг дунд болон ахлах ангийнханд зориулан тоглохоор болжээ. Түүнчлэн энэ сард бага тайзнаа амралтын өдөр бүр 13.00 цагт “Өнхрүүш”, мини театртаа 14.00 цагт “Могжоохон даагатай жогжоохон хүү” жүжгээ тоглох нь ээ.