Монгол Улсын Төрийн соёрхолт зураач Долгоржавын Болдын дүрслэх урлагийн салбарт оруулсан хувь нэмрийг өндрөөр үнэлэн Англи дахь олон Улсын намтрын төвөөс 2012 оны шилдэг 100 мэргэжилтний нэгээр шалгаруулжээ. Дэлхийн алдартнуудын намтрыг ном болгон хэвлүүлж, энэ салбартаа тэргүүлэх болсон тус байгууллага 42 жилийн дотор нэг сая гаруй хүний намтар бүхий 150 орчим товхимол хэвлэн гаргасан байдаг аж. Олон улсын намтрын төвийн судлаачид дэлхийн олон оронд судалгаа явуулж, алдартнуудаа тодруулдаг аж.
Ангилал: Уртын дуу
Дэлхийн домогт дуучин попын хатан хаан Уитни Хьюстон дөчин найман насандаа хорвоог орхисонд дэлхий даяар гашуудан эмгэнэж байсан билээ. Түүнийг поп хөгжмийн хөгжилд оруулсан хувь нэмрийг нь өндрөөр үнэлэн “MTV Europe Music Awards” шагналыг нэхэн олгосон байна. Global Icon гэж нэрлэгддэг энэ шагналаар поп хөгжмийг хөгжүүлэхэд онцгой үүрэг гүйцэтгэсэн дуучид хамтлагийг 2010 оноос хойш олгож байгаа аж. Тухайлбал Global Icon шагналаар дуучин Бон Жови, Queen хамтлагийг шагнаж байжээ. Шагнал гардуулах ёслол Германы Франкфурт хотод өнгөрсөн ням гарагт болсон билээ.
Монголын үндэсний урлаг тэр дундаа хөөмийн урлагийн гайхамшгийг эх орондоо төдийгүй дэлхий нийтэд таниулж мэдрүүлж яваа хөөмийч МУСТА Н.Наранбадрах, ҮДБЭЧ-ын хөөмийч Ц.Цогтгэрэл нарын хамтарсан “Монгол сонгодог” хөөмийн тоглолт энэ сарын 11-нд 15.00 цагт Соёлын төв өргөөнд болох нээ. Тус тоглолтонд ҮДБЭЧ-ын Үндэсний Их найрал, тус чуулгын бүжигчид, ДБЭТ-н Симфони оркестор, ДБЭТ-ын гоцлол дуучин Д.Эрдэнэтуяа, “Хар сарнай” хамтлагийн ахлагч С.Амармандах, уртын дууч Д.Үүрийнтуяа, “Мемори оркестр” амьд хөгжмийн хамтлагийнхан оролцох ажээ.
“Гамлет” Монголын драмын театрын тайзнаа 33 жилийн дараа дахин “Тоглогдох” гэж байна. Театр урлагийн оршин байх үнэ цэнэ, чанар чансааг илтгэдэг гэх, нөгөө талаас цаг үеийн шаардлагаар тавигддаг гэгддэг дэлхийн утга зохиолын сор болсон Уильям Шекспирийн энэ зохиол УДЭТ-ын энэ цагийн уран бүтээлчдийн шандсыг сорих ээлжит нэгэн сорил гэж болно. 150 сая төгрөгийн өртгөөр 200 гаруй хүний хүч хөдөлмөрөөр тайзнаа амилах “Гамлет”-ын нээлт өнөөдөр 19.00 цагт УДЭТ-т болох юм.
Сингапурт болсон амьд хөгжмийн “Asian beat 2012” наадамд эх орноо төлөөлөн оролцсон “UFO” хамтлагийн залуус гуравдугаар байрт орсон амжилтыг үзүүлсэн байна. Энэ нь Монголын амьд хөгжмийн түүхэнд урьд хожид гарч байгаагүй амжилт юм. Тус хамтлагийнхан энэ сарын 14-ний 12.00 цагт эх орондоо ирэх ажээ.
Европын хөгжмийн ертөнцийн томоохон наадмуудын нэг “MTV Europe Music Awards” ням гаригт Германы Хэссэн мужийн хамгийн том хот Франкфуртад болсон байна. Энэ удаагийн шагнал гардуулах ёслолд Америкийн нэрт залуу дуучин Тейлор Свифт, Кети Пери, Рианна нарын уран бүтээлчид найман төрөлд нэр дэвшихээр болсныг зохион байгуулагчид өнгөрсөн есдүгээр сарын 17-нд эцсийн байдлаар зарласан юм.
Дэлхийн супер од “Рианна” Америкийн эрчүүдийн үнэнч анд болох “GQ” сэтгүүлд зочлон, ирэх сарын дугаарынх нь нүүрийг хагас нүцгэн зургаараа чимжээ. Өдгөө 24 настай дуучин Рианна сэтгүүлийн хавтсанд нүцгэн цээжин дээрээ хар өнгийн савхин хүрэм нөмөрч, хөхөө далдалж нууцлаг газраа гараараа нуусан зургаа гаргах гэж байгаа аж.
1962 оны 12 дугаар сарын 26-нд бүрэн хэмжээний хөтөлбөр боловсруулан бие даасан тоглолтоо бүтээсэн хугацаанаас тус чуулгын үндэсний хөгжмийн их найрлын шинэ цагийн түүхийн хуудсаа тоолсоор 50 дахь жилтэйгээ золголоо. Чуулгын үндэсний найрал хөгжим түүхийн урт хугацаандаа хөгжмийн бүтэц төрөл зүйлд онцгой анхаарч, цаг үеээ соргогоор мэдэрч, урын сангаа баяжуулж ирсэн нь монголын хөгжмийн урлагийн нэрт зүтгэлтнүүд, үе үеийн уран бүтээлчдийн хөдөлмөрийн үр шим билээ.
Монголын орчин үеийн циркийг үүсгэн байгуулагч Ж.Раднаабазар агсны мэндэлсний 100 жилийн ойг тохиолдуулан “Шинэ цирк” төвөөс олон арга хэмжээ зохион байгуулахаар төлөвлөжээ. Ойн хүрээнд өсвөрийн циркчдийн анхдугаар фестивалийг энэ сарын 15-17-нд зохион байгуулах аж. Фестивальд 8-18 насны өсвөрийн циркчид авьяас чадвараараа уралдах бөгөөд үүнд Дархан-Уул, Эрдэнэтийн “Шонхоодой” цирк, Өмнөговь аймгийн “Галбын говь”-ийн залуу циркчид оролцох тухайгаа мэдэгдээд байгаа гэнэ. Мөн Ж.Раднаабазар агсны мэндэлсний 100 жилийн ой тохиолдуулан өнгөрсөн тавдугаар сард түүний хүү, хөгжмийн зохиолч Р.Энхбазар “Би тэнгэр эцэгтээ өргөх дуу” тоглолтыг хийсэн бол охин Р.Нарантуяа нь “Шарласан хуудаснаа амилах аавын минь дүр төрх” дурсамж хэвлүүлжээ. Тус номын нээлт энэ сарын 16-нд Хаан банкны номын санд болох юм байна.
Дэлхийн супер од америкийн шилдэг балетчин, жүжигчин “Sascha Radetsky” Саша Радецки өчигдөр Монголд ирсэн билээ. Тэрбээр манай улсад анх удаа ирж байгаа бөгөөд энэ сарын 16,18-нд ДБЭТ-ын тайзнаа тоглогдох А.Аданы “Жизель” балетын Албертын дүрийг амилуулхаар ийнхүү хүрэлцэн иржээ.