”T ara ба K pop одод Монголд” тоглолтын хэвлэлийн бага хурал өнөөдөр”Монгол Ньюс”-ийн мэдээллийн танхимд болно. Тус хэвлэлийн хуралд ETV HD телевизийн Ерөнхий захирал Ц.Энхбат, БНСУ-ын IHC ХХК-ийн захирал Квон Нк Сун нар оролцов.
“ETV” HD телевизийн урилгаар ирэх сарын 21-нд K-POP одод Монголд ирэх гэж байгаа юм. Солонгосын алдарт охидын хамтлаг болох “Т-ara’’ болон ‘’Davichi’’ ‘’Speed’’, ‘’The see ya’’ хамтлагууд Монголд анх удаа ирж ая дуугаа өргөх гэж байна. “K-POP одод Монголд” шоу Төв цэнгэлдэх хүрээлэнд ирэх есдүгээр сарын 21-нд 17.00 цагт болох юм. “Яг цагтаа, ганцхан удаа” гэсэн уриатай энэхүү тоглолт тухайн өдөр цас, бороотой байсан ч яг цагтаа эхлэх болно гэдгийг зохион байгуулагчдын зүгээс онцоллоо.
“ETV” HD телевизийн хамт олон Солонгосын “CORE CONTENTS MEDIA” энтертайнмент компанитай хамтран энэхүү тоглолтыг зохион байгуулж байгаа аж. Уг тоглолтын тасалбарыг БНСУ-д өндөр зэрэглэлийн нууцлалтайгаар буюу мөнгөний цаасан дээр хэвлүүлэн худалдаанд гаргаад байгаа аж. Алтан утасны ялдас суурилсан болохоор билетийг хуулбарлах боломжгүй бөгөөд ийм төрлийн билет Монголын үзэгчдийн гарт анх удаа хүрэх нь. Үнийн хувьд тайзнаа өмнө зогсож үзэх бол 35 мянган төгрөг бол цэнгэлдэхийн асарт дахь суудал 65 мянган төгрөг юм байна. Мөн Ерөнхийлөгчийн суудал буюу VIP тасалбар нь 350 мянган төгрөг бөгөөд тусгай тасалбартай зочид тайзны эгц өөдөөс харсан ширээнд тухлан хөнгөн зууш, жүүсээр үйлчлүүлэх нь ээ.
“K-POP одод Монголд” шоуны тасалбарыг 1950 тусгай дугаарт захиалан үнэгүй хүргүүлж болох юм байна. Тоглолтонд 13-аас доош насны хүүхдийг харгалзах хүнгүйгээр дотогш нэвтрүүлэхгүй бөгөөд тоглолт эхлэхээс гурван цагийн өмнө хаалга цэнгэлдэхийн хаалга нээгдэх аж.
Дашрамд дурдахад “Т-ara’’ болон ‘’Speed’’ хамтлагууд Монголын говьд клипний зураг авалтаа хийх юм байна.
www.URLAG.mn
