Монголын рок поп урлагийн ууган төлөөлөгчдийн нэг “Харанга хамтлаг”-ийн гитарчин, МУУГЗ Ц. Чулуунбатын Chuka & Friends “Содон аялгуу” амьд тоглолт өчигдөр анхны өдрөө гайхалтайгаар тоглогдож өнгөрлөө. Тэрээр монголын орчин үеийн хөгжмийн урлагт 40 жил зүтгэхдээ 150 орчим дуу, кино, жүжгийн хөгжим, дуу мөн Залуус, Соёмбо, Харанга хамтлагтай уран бүтээлээ туурвихаас гадна өнөө үеийн залуу уран бүтээлчидтэй хамтран сонсогчдынхоо сонорыг мялаасаар ирсэн нь ийнхүү үзэгчдийн сэтгэлийг дээд цэгт нь хүргэсэн юм.
Түүний тоглолтонд нийт 200 орчим уран бүтээлчид оролцсон бөгөөд Харанга, Чингис хаан, Никитон, Sweetymotion, Freezone, Nuans, 3 oxин, Киви, Anemone, Мотив, Б.Сарантуяа, Т.Ариунаа, Ж.Алтанцэцэг, С.Сэрчмаа, Б.Чинбат, T.Дэлгэрмөрөн, Б.Баярцэцэг, ВХ, Наагий болон, Монгол улсын филармони найрал хөгжим, бүжгийн Nature Dance хамтлаг зэрэг уран бүтээлчид оролцлоо.
Ийнхүү өчигдөр өнөөдөр хоёр тоглогдоод өндөрлөх байсан уг тоглолт үзэгчдийн хүсэлтээр дахин маргааш тоглогдохоор болсон билээ. Мөн түүний тоглолтыг үзэж амжаагүй байгаа үзэгчид маргааш болох тоглолтын тасалбарыг нь Hi-Fi, UB palace-ийн кассаар болон шинэлэг үйлчилгээ болох www.easyticket.mn сайтаар захиалан 25000, 40000 төгрөгний үнэтэйгээр худалдан авах боломжтой юм.
Ингээд та бүхэндээ тоглолтын үеийн фото агшинаас сонирхуулж байна.
www.URLAG.mn
