АНУ-ын улстөрч Хиллари Клинтоны амьдралыг өгүүлэх олон ангит кино төслийг цуцалсан байна.NBC телевизийн бүтээл болох байсан нийт дөрвөн цагийн урттай богино хэмжээний цуврал кино төслийг Ардчилсан болон Бүгд Найрамдах намынхан эсэргүүцсэн байна. Учир тус кино нь 2016 оны АНУ-ын ерөнхийлөгчийн сонгуульд өрсөлдөх өндөр магадлалтай байгаа хатагтай Клинтоны сурталчилгааны нэг хэсэг болох магадлалтай байгаа аж.
Мөн тэргүүн хатагтай асан Клинтоны харьяаны хүмүүс, түүнийг дэмжигч улстөрчдийн дарамт шахалтаар киноны найруулагчаар ажиллаж байсан Чарлз Фергюсон кино төслөөс татгалзаж буйгаа мэдэгдсэн байна. Харин энэ явдлаас хэдэн цагийн дараа NBC телевиз мөн мэдэгдэл гаргаж "Бид өөрсдийн цуврал кино бүтээлийн хөгжлийн ирээдүйг урьдчилан тооцоолсны үр дүнд Хиллари Клинтоны тухай өгүүлэх богино хэмжээний олон ангит киног хийх боломжгүй болсноо мэдэгдэж байна" гэжээ.
Кино төслийг цуцлахгүй бол АНУ-ын Бүгд найрамдах нам CNN, NBC телевизтэй Ерөнхийлөгчийн сонгуулийн мэтгэлцээний үеэр түншлэхгүй гэдгээ өмнө нь мөн мэдэгдэж байсан юм.
“Hillary” богино хэмжээний цуврал кинонд жүжигчин Дайан Лэйн гол дүрийг бүтээх байжээ.
Хэрэв кино төсөл амжилттай хэрэгжсэн бол 1998 оноос хойшхи түүний залуу үеэс эхнэр, ээж, тэргүүн хатагтай, улс төрч байх үеийнх нь тухай өгүүлэх тус кино ирэх онд дэлгэцнээ гарах байжээ.
Б.Сондор
