Хэвлэл мэдээллийн салбарын “Урлагийн их наадам”-ын шилдгүүдийн түрүүч тодорлоо

Монгол улсад үндэсний сэтгүүлзүйн салбар үүсч хөгжсөний 100-н жилийн ойн хүрээнд зохион байгуулагдаж буй “ХЭВЛЭЛ МЭДЭЭЛЛИЙН САЛБАРЫН УРЛАГИЙН ИХ НААДАМ”-ын эхний өдрийн шалгаруулалт өнөөдөр амжилттай болж өндөрлөлөө.

Тэрээр "Уран уншлага", "Хөгжим", "Язгуур урлаг" гэсэн төрлүүдийн шилдгүүд тодорч өргөмжлөл, мөнгөн шагналын батламж, эцсийн шалгаруулалт буюу шагнал гардуулах ёслолын ажиллагаа, гала тоглолтонд оролцох эрхийн эзэд болцгоосон юм. Өчигдөр зохион байгуулагдсан төрлүүдийг шалгаруулсан зохион байгуулагчдын бүрэлдэхүүнд шүүгчдээр, Монгол Улсын Урлагийн Гавъяат Зүтгэлтэн, Улсын Филармонийн дарга Ч.Даваасүрэн, Монгол Улсын Урлагийн Гавъяат Зүтгэлтэн, Үндэсний Дуу Бүжгийн Эрдмийн чуулгын урын сангийн эрхлэгч, ”Монгол Хөөмэй” холбооны тэргүүн А.Цэдэн-Иш, Монгол Улсын Гавъяат Жүжигчин, Дуурь Бүжгийн Эрдмийн Театрын уран сайхны удирдагч А.Дашпэлжээ нар ажилласан бол зөвлөх, ерөнхий найруулагчаар Монгол улсын Соёлын Гавъяат Зүтгэлтэн, ОХУ-ын Буриад Улсын Урлагийн Гавъяат Зүтгэлтэн, СУИС-ын хүндэт профессор Д.Ухнаа ажилласан юм.

Ерөнхий зохион байгуулагчаар нь “Монголын Сэтгүүлчдийн Эвлэл”, "MGL MEDIA GROUP", санаачлагчаар урлаг соёлын мэдээ мэдээллийн нэгдсэн www.URLAG.mn сайт, Дэмжигч байгууллагаар "Дархан нэхий" ХК, "Нийслэлийн Улаанбаатар чуулга", "Мөнгөн ганзай" ХХК нар ажиллаж буй урлагийн их наадмын өнөөдрийн шилдгүүдээр

Уран уншлагын төрөлд:
1-р байранд “ETV” телевизийн нэвтрүүлэгч, редактор Я.Болорчимэг.
2-р байранд “Айст Монголиа” телевизийн уран бүтээл эрхэлсэн орлогч захирал Т.Байгальмаа.
3-р байранд МҮОНЧөлөөт, Шинэ Монгол радиогийн нэвтрүүлэгч А.Алтанхүү, Тусгай байранд “Хэнтийн мэдээ сонин”-ы сэтгүүлч Д.Бат-Эрдэнэ.

Хөгжмийн төрөлд:
1-р байранд “Соён гэгээрүүлэгч” телевизийн хөтлөгч, сэтгүүлч М.Амаржаргал.
2-р байранд “Хэнтийн мэдээ сонин”-ы түгээгч Д.Одгэрэл.
3-р байранд “Өнөөдрийн ялалт сонин”-ы хэвлэлийн эх бэлтгэгч Х.Данзанравжаа.
Тусгай байранд “Айст Монголиа” телевизийн орос хэл дээрхи хөтөлбөрийн хөтлөгч Э.Мөнхбаяр.

Язгуур урлагийн төрөлд:
1-р байранд “Соён гэгээрүүлэгч” телевизийн хөтлөгч, сэтгүүлч М.Амаржаргал.
2-р байранд “Хэнтийн мэдээ сонин”-ы “Хамтлаг”
3-р байранд “Улс төрийн тойм сонин”ы сэтгүүлч Л.Баатархүү.
Тусгай байранд “Монголын үнэн сонин”-ы “Хамтлаг”
Тусгай байранд “Өнөөдрийн ялалт сонин”-ы хэвлэлийн эх бэлтгэгч Х.Данзанравжаа.
Тусгай байранд “ТВ9” телевизийн нэвтрүүлэгч, редактор Гантуяа нар тодорчээ.

Өнөөдөр "Дуу", "Бүжиг", "Багийн мэндчилгээ" гэсэн төрлүүдийн шалгаруулалт зохион байгуулагдах бөгөөд эцсийн шалгаруулалт, Шагнал гардуулах ёслолын ажиллагаа, Гала тоглолт маргааш буюу 10-р сарын 28-ний 19:00-н цагаас Нийслэлийн Улаанбаатар чуулгын байранд болох билээ. Гала тоглолтонд урилгаар МУСГЗ Ш.Гүрбазар, Хурд хамтлаг, МУГЖ Т.Ариунаа, Поп дива С.Наран, МУСТА Б.Чинбат, Sweetymotion хамтлаг, Uvertura хамтлаг, ҮДБЭЧ-ын морин хуурч, уртын дуучид оролцох юм.