“Сургууль нураасай”, Эмийн сан руу алхсан нь”, “Аборт“, “Би тамхиа татаад дуусаж байна”, “Эрчүүдийг үзэн ядах сэтгэлийг надад өгөөч”, “Улаан хэрүүлч”, “Нисдэг таваг” гэхчилэн рок хөгжимд дурлагсдын дуртай олон дууны эзэд бол “Нисванис” хамтлагийнхан. 28 жил тасралтгүй уран бүтээлээ сонсогчдодоо хүргэж буй тус хамтлагийнхан энэ хугацаанд “Хүчилтөрөгч”, “Саарал үе”, “Нисдэг таваг”, “Гар хангалга” зэрэг дөрвөн цомог гаргасан. Мөн 2022 онд Яруу найрагч Б.Галсансүхтэй хамтран “Галсансүхийн Нисванис” хэмээх пянз гаргасан юм. Тэгвэл тус хамтлаг өөрсдийн “Саарал үе”, “Гар хангалга” пянзаа гаргалаа. Эл пянзны баяр аравдугаар сарын 19-нд “Корпорэйт”-д болно. Пянзны баярт “The Lemons”, “A-Sound”, “Galtmah” хамтлаг оролцох бөгөөд тасалбар нь 100.000 төгрөгийн үнэтэй.
“Нисванис”-ийн “Саарал үе”, “Гар хангалга” пянзны нээлт аравдугаар сарын 19-нд болно
