Францын Парис хотод Азийн урлагийн “Asia now-2024” наадам 10 дахь жилдээ зохион байгуулагдаж буй. Эл наадамд “Лхам” арт галерей анх удаа Монгол Улсыг төлөөлөн, уран бүтээлч Б.Баатарзоригийн бүтээлүүдээр оролцож байна.
“Лхам” арт галерей нь өнгөрсөн онд Парис хотод “Цагаан сүүгээр хөх тэнгэрийг будна” нэртэй үзэсгэлэнг дэлгэж байв.
Энэ удаа Монгол үндэсний урлагийн бүхий л шинжийг өөрийн бүтээлдээ шингээн урладаг уран бүтээлч Б.Баатарзоригийн бүтээлүүдийг “Asia now-2024” наадамд дэлгэн, урлаг сонирхогчдод толилуулж байна.
