Их Британийн BBC агентлагийн зүгээс 2024 оны дэлхийн 100 онцлох эмэгтэйчүүдийн жагсаалтыг гаргаж танилцууллаа. Эл жагсаалтыг гаргахдаа өнөө жил үйл хэрэг, ололт амжилтаараа улс эх орондоо болон дэлхийд нөлөө үзүүлж, бусдад урам зориг өгсөн онцлох 100 эмэгтэйг сонгосон байна.
Энэхүү жагсаалтад задгай сансарт хамгийн олон цаг ажилласан эмэгтэйн дээд амжилтыг эзэмшдэг АНУ-ын сансрын нисгэгч Сунита Уилльямс, Олимпын медальт Бразилын уран гимнастикийн тамирчин Ребека Андраде, Америкийн гүйлтийн тамирчин Аллисон Феликс, Их Британийн поп дуучин Raye, 2018 оны Нобелийн энх тайвны шагналт хүний эрхийн төлөө тэмцэгч Надя Мурад, Холливудын алдарт жүжигчин Шэрон Стоун, хүчингийн хэргийн хохирогч Францын иргэн Жизель Пеликот, Английн зураач Трейси Эмин, Пулитцерын шагналт Мексикийн зохиолч Кристина Ривера Гарза, уур амьсгалын өөрчлөлтийн эсрэг тэмцэгч Нигерийн идэвхтэн Аденике Оладосу гэх зэрэг 100 эмэгтэйг онцолжээ.
Энэ оны дэлхийн онцлох 100 эмэгтэйн бүрэн жагсаалтыг bbc.co.uk вебсайтаас харах боломжтой.
