Хөгжмийн стриминг үйлчилгээ “Spotify”-аас 2024 оны онцлох уран бүтээлчдийг нэрлэлээ. Эл жагсаалтыг дуучин Тейлор Свифт хоёр дахь жилдээ тэргүүлж, “Spotify” стремингийн онцлох уран бүтээлчээр нэрлэгдсэн байна. Тодруулбал, “Spotify”-ийн хэрэглэгчид онд түүний дуунуудыг 26.6 тэрбум гаруй удаа сонссон гэсэн тоо гарчээ. Жагсаалтыг Bad Bunny удаалж, The Weeknd гуравдугаарт, дөрөвдүгээрт Drake, харин тавдугаарт Billie Eilish жагссан байна.
Сонирхуулахад, Тейлор Свифт өнгөрсөн дөрөвдүгээр сард “The Tortured Poets Department” нэртэй цомог гаргасан нь амжилттай байж, “Spotify”-д хамгийн олон сонсогч татсан нь дээр дурдсан жагсаалтыг тэргүүлэхэд нөлөөлжээ.
